सिन्धुली । सिन्धुलीमा बालविवाह विरुद्धको साप्ताहिक अभियान विभिन्न कार्यक्रम गरि आइतबार सम्पन्न गरिएको छ । ओरेक नेपाल सिन्धुली, प्लान इन्टरनेशलनल नेपाल र विभिन्न संघसंस्थाहरुको समन्वयमा अभियानका सातै दिन विभिन्न कार्यक्रम गरि अभियान सम्पन्न गरिएको हो । 
फागुन १२ गतेदेखि सुरु गरिएको अभियानको पहिलो दिन जिल्लाका सरोकारवालासँग बालविवाह विरुद्धको अभियानको समिक्षाका साथै परामर्श तथा छलफल गरिएको थियोे । त्यसैगरि फागुन १३ गते जिल्ला अन्तरधार्मिक सञ्जाल र किशोरीहरुको आयोजनामा कनपा १४ मा बालविवाह विरुद्ध समुदाय स्तरमा अन्तक्र्रिया कार्यक्रम गरिएको छ । यसैगरि १४ गते जिल्लाका एफएम रेडियोबाट सन्देशमूल सूचना प्रवाह, मावि निवुवाटारमा स्कुल शिक्षा लगाएतका कार्यक्रम गरिएको ओरेकका सपना थापाले बताईन ।
यसै गरि फागुन १५ गते कनपा ११ मा रहेको मावि जरायोटार, १६ गते दुधौली नगरपालिका ३ मा प्रगतिशिल युवा सञ्जालको आयोजनामा बालविवाह विरुद्ध सडक नाटक प्रस्तुत गरिएको छ । यस्तै फागुन १७ गते कनपा १३ मा सहारा किशोरी समूहको आयोजनामा बालविवाह विरुद्ध अन्तक्र्रिया कार्यक्रम सम्पन्न भएको छ ।
अभियानको अन्तिम दिन फागुन १८ गते जिल्ला युवा सञ्जाल सिन्धुलीले कनपा ६मा रहेको पानीट्यांकी माविमा बालविवाह विरुद्ध स्कुल शिक्षा दिएको छ । सोहि कार्यक्रमसँगै साप्ताहिक अभियानको समेत समापन गरिएको ओरेक सिन्धुलीका संयोजक सपना थापाले बताईन ।
