सिन्धुली । मदनभण्डारी राजमार्गमा शुक्रबार भएको दुर्घटनामा परि दुई जना घाईते भएका छन । मदनभण्डारी राजमार्ग अन्तर्गत कमलामाई नगरपालिका १४ तल्लो रानीबास नजिकै कार र मोटरसाईकल ठोक्किदा दुई जना घाईते भएको प्रहरीले जनाएको छ ।
काठमान्डौबाट उदयपुरतर्फ जाँदै गरेको प्रदेश १–०५–००१प७६६६ नम्बरको मोटरसाईकल र पूर्वबाट काठमान्डौतर्फ जाँदै गरेको बा१३च६५८१ नम्बरको कार ठक्कर खाँदा मोटरसाईकल चालक उदयपुरको त्रियुगा नगरपालिका ७ का प्रशान्त दाहाल र मोटरसाईकलमा सवार त्रियुगा नगरपालिका ७ उदयपुरका प्रविण भन्ने कमल कार्की घाईते भएका हुन ।
घाईतेमध्ये मोटरसाईकल चालकको अवस्था गम्भिर रहेको र कार्कीको अवस्था मध्यम रहेको बागमति प्रदेश प्रहरी कार्यालय हेटौडाले जनाएको छ ।
घाईते दुवै जनाको उपचार महोत्तरीको वर्दिबासमा रहेको शुभस्वस्तिक अस्पतालमा भईरहेको प्रहरीले जानकारी दिएको छ । मोटरसाईकल, कार चालक चन्द्रागिरी १ काठमान्डौका रविन्द्र बखती र कारलाई प्रहरीले नियन्त्रणमा लिई अनुसन्धान सुरु गरेको जनाएको छ ।
