सिन्धुलीगढी । कार्तिक २४ गते २५२ औं सिन्धुलीगढी विजय उत्सव मनाईदै छ । ३ दिनसम्म मनाइन सुरु भएको उत्सवमा शुक्रबारदेखि कला प्रदर्शनी सुरु गरिएको छ । सिन्धुलीगढी र सिन्धुलीको पहिचान दिने कला संस्कृतिको बारेमा जानकारी दिने कलाहरु, विभिन्न जातीय, सांस्कृतिक पहिचान दिने कलाहरु, लोपोन्मुख बाजाहरु, परम्परागत घरेलु सामग्रीहरु, काष्ठ तथा जरा कलाहरु, सिन्धुलीका स्रस्टाहरुद्धारा लिखित पुस्तक तथा साहित्यहरु लगाएतको प्रदर्शनी गरिएको छ ।
कमलामाई नगरपालिका र वर्दवहादुर गणको आयोजनामा सिन्धुली कलाघरले सिन्धुलीगढीमा वृहत कला प्रदर्शनी थालेको छ । जसमा सिन्धुलीगढीबारे जानकारी दिने विभिन्न क्यानभास, काष्ठकला लगाएतका कलाहरु राखिएको छ । त्यस्तै कार्तिक २४ गते हुने विजयउत्सव विशेष कार्यक्रममा सांस्कृतिक प्रस्तुति पनि कलाघरले नै गर्ने भएको छ ।
यस्तै पुरानो जेलघरको छेउँमा नेपाली सेना र तत्कालिन नेपाल अंग्रेज युद्धलाई देखाउने प्रदर्शनी स्थल निर्माण गरिएको छ । भोली विहानसम्म तयार हुने उक्त प्रदर्शनीमा नेपाली सेनाले तोप, तत्कालिन सैनिक र उनीहरुले प्रयोग गरेका हतियारहरु प्रदर्शन गर्ने वर्द बहादुरण गणले जनाएको छ ।
यसैगरि कार्तिक २४ गते सिन्धुलीगढीमा आउने पाहुनाहरुलाई स्वागत गर्नका विभिन्न तयारी गरिउको छ । सिद्धवावा मन्दिर, सानो गढी र ठूलो गढी जाने चोकमा स्वागतद्धार बनाईएको छ भने उक्त स्थानबाट ठूलोगढीसम्म जाने बाटोको दुवैतर्फ गमलामा फूल रोपिएको छ । यस्तै गढी क्षेत्र र विपी राजमार्ग सरसफाई गरिएको छ । नेपाली सेनाको वर्द बहादुर गण, कमलामाई नगरपालिकाको वातावरण शाखा लगाएतले सरसफाईमा तिव्रता दिईरहेका छन ।
यसैबीच सिन्धुलीगढी प्रवेशमा कमलामाई नगरपालिकाले लिदै आएको शुल्क २४ गतेसम्मका लागि छुट गरिएको कमलामाई नगरपालिकाले जनाएको छ । विशेष पाहुनाहरुका लागि खानाको व्यवस्था, पार्किङ, हेलिप्याडको व्यवस्थापन लगाएतका कामहरु गरिएको छ ।
संग्राहालयको शिलान्यास कार्तिक २४ मै
कार्तिक २४ गते नेपाली सेनाले बनाउन थालेको सिन्धुलीगढी युद्ध संग्राहलयको शिलान्यास गर्ने तयारी नेपाली सेनाले गरेको छ । कला प्रदर्शनी स्थल नजिकै सेनाले अतिथिहरुको स्वागतका साथै संग्राहलयको शिलान्यासको तयारी गरेको हो । रक्षा मन्त्रालयको साढे चारकरोड बजेटमा बन्न थालेको संग्राहालय शिलान्यासका लागि नेपाल सरकारका रक्षामन्त्री इश्वर पोखरेलले गर्ने छन । प्रधान सेनापति पुर्ण चन्द्र थापा पनि उक्त शिलान्यास कार्यक्रममा सहभागि हुने छन ।
पुरातात्विक शैलीमा संग्राहलय निर्माण हुने छ । संग्राहालय निर्माणका लागि ढुंगा र सिमेन्टको प्रयोग गरिने भएको छ ।
निर्माण हुने संग्राहालय पुरानो र नयाँ मिश्रित मोडलमा निर्माण हुनेछ । संग्राहालय भित्र वृत चित्र मार्फत गढिको ऐतिहासिक सामरिक महत्व प्रर्दशन गर्न सकिने थिएटर, तत्कालिन समयमा सेनाले प्रयोग गरेका घरेलु हात हतियार, तोप, गोला, तत्कालिन युद्धकालिन समयमा घरेलु सेना र बिपक्षी सेनाले लगाउने गरेको पोशाक प्रर्दशनका लागि काष्टेरिया, गढि अवलोकनका लागि आउने आन्तरिक वा बाह्य पर्यटकले उपहार स्वरुप लान सक्ने बस्तुहरु उपलब्ध सोभनियर कक्ष लगायत रहने छन् ।
संग्राहलयको नक्सांकन, डिजाईन पुरातत्व विज्ञहरु सम्मिलित काठमाण्डौँ स्थित मेगा सिभिल कन्सल्टेन्ट प्राईभेट लिमिटेडले तयार पारेको हो ।
करिब ४९२० बर्ग फिट क्षेत्रफलमा निर्माण हुने संग्राहालयको भवन ६ कोठाको एक तल्ले रहने छ । मंसिर पहिलो हप्ताबाट संग्रहालयको निर्माणको काम सुरु हुने र २०७७ असार मसान्तसम्म सम्पन्न गर्ने लक्ष्य रहेको उक्त संग्राहलयको निर्माणको जिम्मा वर्द बहादुर गणले पाएको गणपति राजिव थापाले बताए ।
