बिमला पाण्डे
सिन्धुली । सिन्धुली उद्योग वाणिज्य संघ सिन्धुलीको मतगणना आज विहान सकिएको छ । निर्वाचनबाट प्रजातान्त्रिक प्यानलका अध्यक्ष उमेदवार अमरेश चन्द्र बैदारको पुरै प्यानल विजयी भएको छ ।
कुल १ हजार १ सय ३१ मतदाता रहेको संघको ४ जेठमा भएको मतदानमा एक हजार ६० मत खसेको थियो । अध्यक्षमा निर्वाचित अमरेशचन्द्र बैदारले ६ सय २४ मत ल्याई विजयी भएका छन भने प्रतिद्वन्द्वी प्रगतिशिल प्यानलका बद्री बहादुर कार्कीले ४ सय २५ मत प्राप्त गरेका छन ।
यस्तै वरिष्ठ उपाध्यक्षमा अर्जुन कुमार श्रेष्ठ ६ सय १६ मत ल्याई विजयी भए भने महासचिवमा विरवल चौधरी, उद्योग उपाध्यक्षमा राजमाया रायमाझी, वाणिज्य उपाध्यक्ष विजय कुवँर, कोषाध्यक्षमा रामभक्त श्रेष्ठ, उपमहासचिव मेघ बहादुर कार्की, सह कोषाध्यक्ष किरण कुमार श्रेष्ठ विजयी भएका छन ।
यस्तै खुला सदस्यमा लालमान तामाङ, विमल प्रधान, राजुकुमार पोखरेल, देवनाराय श्रेष्ठ, युवराज श्रेष्ठ (आकाश) र महिला सदस्यमा राधा खड्का, भवानी कार्की, रेणुका कडेरिया, सरिता उपाध्याय विजयी भएका छन । यसैगरि वैदारकै प्यानलबाटै बस्तुगत सदस्य वुद्ध विश्वकर्मा र आजिवन सदस्यमा विजय बस्नेत विजयी भएका छन ।
यसैगरि शाखा उपाध्यक्षमा आनन्द कार्कीको मात्र उमेदवारी परेकाले यस अघि नै निर्विरोध निर्वाचित भएका थिए ।
