सिन्धुली, श्रीमतिलाई पुन्युले हानेर हत्या गरेको आरोपमा प्रहरीले एकजनालाई शनिबार एकजनालाई पक्राउ गरेको छ । सिन्धुलीको घ्याङलेख गाउँपालीका ३ तामाजोर लप्सेका ४५ वर्षिय एकिम गोलेलाई आफ्नै श्रीमति ४२ वर्षिय सुपरानी गोलेको हत्या गरेको आरोपमा पक्राउ गरेको जिल्ला प्रहरी कार्यालय सिन्धुलीले जनाएको छ ।
गोलेले मदिरा सेवन गर्न दुई सय रुपैयाँ पैसा नदिएको रिसमा शुक्रबार दिउँसो खाना पस्कने पुन्युले हिर्काएर श्रीमतिको हत्या गरेको प्रहरी निरिक्षक सन्तोष श्रेष्ठले बताए । सुपरानीको टाउको पुन्यु गाडिएपछि घटनास्थलमै मृत्यु भएको श्रेष्ठले बताए ।
सोहि पैसाको निहुमा श्रीमान श्रीमतिको झगडा भएको र जवरजस्ती पैसा लगि मदिरा सेवन गरेको पारिवारिक श्रोतले जनायो । श्रीमतिले खानाखान कर गर्दा रक्सी पिएर आएका बुबाले आमालाई पुन्युले हानी हत्या गरेको छोरी २१ व्र्षिय सरिता गोलेले बताईन ।
‘आमाले रक्सी खान दुई सय रुपैयाँ दिन नमान्दा ज्यानै गयो । रक्सीले परिवारको खुसी नै लुट्यो,’ सरिताले रुँदै भनिन् । मृतकका दुई छोरी र एक छोरा रहेका छन् । जिल्ला प्रहरी कार्यालय सिन्धुलीका सूचना अधिकारी बिनोद शर्माका अनुसार हत्याको आरोपमा संलग्न गोलेलाई पक्राउ गरि आवश्यक अनुसन्धान सुरु गरिएको छ ।
