सिन्धुली । स्वास्थ्य कार्यालय सिन्धुलीको समन्वयमा आरडिटी विधिबाट गरिएको परिक्षणमा विहिबार थप दुई जनामा एन्टीवडि पोजेटिभ देखिएको छ ।
कार्यालयले ५८ जनामा गरेको परिक्षणमा २ जनामा आरडिटी पोजेटिभ देखिएको स्वास्थ्य कार्यालय सिन्धुलीका प्रमुख जितेन्द्र कुमार शाहले बताए ।
उनका अनुसार हालसम्म सिन्धुलीमा ९ सय २ जनाको आरडिटी परिक्षण गरिएको छ । जसमध्ये २९ जनाको एन्टीवडि परिक्षणको नतिजा पोजेटिभ देखिएको हो । विहिबार पत्रकारहरु, केहि सुरक्षाकर्मीहरु र केहि नागरिकहरुको आरडिटी परिक्षण गरिएको थियो ।























