अमरेशचन्द्र वैदार
अध्यक्षका उमेदवार
सिन्धुली उद्योग वाणिज्य संघ, सिन्धुली
० तपाईको उमेदवारी के का लागी ?
–मेरो उमेदवारी उद्यमी व्यावसायी व्यापारीहरुको हक हित स्थापित गर्नको लागी हो । यो श्रेत्रको समग्र व्यापारीहरुको एकताको प्रतिक संस्था बनाउदै, जिल्लाको आर्थीक व्यावसायीक सबृद्धिलाई संस्थागत गर्नको लागी मेरो नेतृत्व आवश्यक छ भन्ने व्यापारी व्यावसायीक साथीहरुबाट सुझाव , सल्लाह, साथ पाएकाले म उमेदवार बनेका हुँ ।
० तपाई उद्योग बाणिज्य संघको पदाधिकारीमा बसेर धेरै वर्ष देखि काम गरि सक्नु भएको छ, त्यहाँ बसेर गर्न नसकेको काम के छ जस्तो लाग्छ तपाईलाई ?
–ऐतिहासिक रुपमा २०२५ सालमा स्थापना भएको उद्योग बाणिज्य संघ, सुरुका चरणमा २०२२ सालमा सिन्धुली बजार स्थापित भएपछि अग्रजहरुले संस्थागत विकासमा धेरै ध्यान दिनु भएको थियो । अबको अवस्था भने त्यस्तो नभएर संस्थागत विकास भन्दा पनि वढी अव व्यावसायीक हकहित, जिल्लाको आर्थीक सम्बृद्धिको एजेण्डा मेरो प्राथमित्ता हो । काम गर्न धेरै बाँकी छ ,, यस मेरो कार्यकालमा जिल्लाले अनुभुति गर्ने खालको काम गरेर देखाउने जोस जागर म सँग छ , त्यसलाई सदुपयोग गर्नको लागी नेतृत्व आवश्यक देखेर उमेदवार बनेको हँु । उद्योग बाणिज्य संघमा विगत २०÷२२ वर्ष देखि म कुनै न कुनै पदमा बसेर काम गरेको अनुभव म सँग छ ,यस अनुभवलाई जिल्लाबासीमाझ प्रस्तुत गर्नको लागी नेतृत्व कहिन कही चुकेको छ, भन्ने मलाई लाग्छ, त्यसलाई म पुरा गर्छु भन्ने प्रतिवद्धता सहित उमेदवारी दिएको हुँ ।
० सिन्धुली जिल्ला, राजमार्गको जिल्ला तर सिन्धुलीमा एउटा त्यस्तो उद्योग छैन जहाँ १० जनालाई रोजगारी दिन सक्ने अवस्था होस, यस विषयमा अध्यक्ष भईसकेपछि तपाईको योजना के छ ?
– विभिन्न राजमार्ग देशका ठुला तीन राजमार्ग मध्यपहाडी, विपि र हेटौडा–चतारा राजमार्गले जिल्लालाई घरेको छ, यहाँ उद्योग धन्दा भन्दा पनि यहाँ भई रहेको साना उद्योग धन्दा नै धमाधम वन्द हुने वा भनौँ धरासही छन, त्यसैले यहाँको सम्भवना के भन्ने कुरा महत्वपूर्ण हो । यहाँको सवैभन्दा महत्वपूर्ण उद्योगहरु भनेको कृषि र पर्यटन सँग सम्वन्धित उद्योगहरु आवश्यक छ । आधुनिक कृषि प्रणाली र पर्यटनसँग सम्वन्धित उद्योगहरु जिल्लोको माटो र भुगोल सुधाउदो हुन्छ भन्ने मेरो बुझाई छ । यहाँ ऐतिहासिक गढी दरवार देखि , अन्नको उर्भर भूमिहरु यहाँँ धेरै छन, त्यसलाई केही हद सम्म सदुपयोग र प्रचारप्रसार गर्ने हो भने पनि जिल्लाको व्यापार व्यावसायलाई धेरैहद सम्म टेवा पुग्ने मेरो बुझाई छ । मेरो नेतृत्वको टिमको साझाँ बुझाई पनि त्यही नै हो । जिल्लामा उद्योगहरु नभएका वा नखुलेका हैनन तर राज्यको पोलिसिका कारण खुलेका उद्योगहरु पनि धरासही छन्, जुस उद्योग, इटा उद्योग, अन्य सानासाना उद्योगहरु यहाँ खुलेका छन,तर सवै धरासहीबनेका छन । यसको समस्या के त भनेर केलाउनु आजको आवश्यत्ता हो ।
० तपाईसँग आफ्नो कार्यकालमा यति जनालाई रोजगारी दिने गरी उद्योग स्थापना गर्छु भन्ने केही योजना बनाउनु भएको छ ?
–मेरो घोषण पत्रमा नै समृद्ध सिन्धुली, व्यवसायीक हित भन्ने छ, सबृद्ध सिन्धुली बनाउन कस्तो योजना हामिसँग हुनुपर्छ, सहकारी मोडलबाट पनि जिल्लामा रहेका करिव ५सय वटा सहकारी ती सहकारीहरुलाई मिलाएर उर्जाको क्षेत्रमा,कृषि उद्योगको क्षेत्रमा , विद्यालय क्षेत्रमा र अन्य उद्योगहरुमा पनि सामुहिक लगानी गर्ने योजना र सहकारीको सोच नै मेरो नेतृत्वको लक्ष्य र उदेश्य छ । जिल्लाको विकासको लागी अन्य निकायहरुसँग पनि सहकार्य गरेर अगाडी वढ्ने योजना हामि सगँ छ, अहिले त निर्वाचनको वेलामा हामिले सार्वजनिक गरेको एक प्रतिवद्धता पत्रमात्रै हो । जसलाई पुरा गर्नको लागी मतदाताले मत दिनु आवश्यक छ ।
० तपाईको प्यानलले चुनावमा विजयी प्राप्त गर्ने आधार के देख्नु भएको छ ?
–पहिलो कुरा त यस संस्थामा मेरो युवा उमेर वितिसकेको छ । २०५३ साल देखि म यस संस्थामा कुनै न कुनै भुमिकामा आवद्ध भएर काम गरेको छु, कहिले सदस्य त कहिले महासचिव, कहिले उपाध्यक्ष भएर काम गरी सकेको छु । २१ वर्षको अनुभव, ग्रामिण वस्ती देखि जिल्ला सदरमुकामका सवै क्षेत्रका व्यावसायीसँग हातेमालो गरेर काम गरेको, अहिले सम्म कुसैको कुभलो नचिताएको, मेरो प्यानालमा जति पनि साथीहरु हुनु उहाँहरु अनुभवि, संघको सदस्य पदाधिकारीमा बसेका साथीहरु हुनुहुन्छ भने कतिपय , युवा साथीहरु पनि हुनुहुन्छ यसले गर्दा मलाई विश्वास छ । मेरो प्यानले जित्ने छ । मेरो प्यानलमा जातिय भौगोलिक रुपमा मिलेको टिम छ ।
० मतदातालाई केही भन्नु छ ?
–अहिलेको निर्वाचन भनेको विशुद्ध व्यावसायीक साथीहरु विचको प्रतिष्पर्धा हो, यसलाई राजनीतिक धरातल भन्दा माथि उठेर हेर्नको लागी, र बुझ्नको लागी अनुरोध गर्दछु । साथै यही जेठ ४ गते हुने निर्वाचनमा सहभागि भई योग्य, क्षमतावान, इमान्दार उमेदवारहरुलाई मतदान गरी विजयी गराउनु हुन अनुरोध गर्न चाहन्छु ।
- विदुर पौडेल
