सिन्धुली । नेपाल पूर्व प्रहरी संगठनको आठौं अधिवेशनको पूर्व सन्ध्यामा तीनवटा प्रहरी संगठनले सिन्धुलीमाढीको वसपार्क क्षेत्रमा सरसफाई गरेको छ ।
पूर्व प्रहरी संगठन तथा सामुदायिक सेवा केन्द्रको संयुक्त आयोजनामा शसस्त्र प्रहरी, नेपाल प्रहरी, सामुदायिक प्रहरी तथा पूर्व प्रहरीले संयुक्त रुपमा सरसफाई गरेका हुन ।
यस्तै उनीहरुले सामुदायीक सेवा केन्द्रमा रहेको खानेपानीको ट्यांकीको समेत सरसफाई गरेका छन । बसपार्क क्षेत्रमा खानेपानीको आपूर्ति गर्ने उक्त खानेपानी, चिल्ड्रेन पार्क, बसपार्क लगाएतका क्षेत्रमा रहेका गाँजाका बोट, झार उखेलेका छन भने अन्य फोहोरहरु सरसफाई गरेका छन ।
पूर्व प्रहरी संगठनले यहि कार्तिक ६ गते सिन्धुलीमाढीमा अधिवेशन गर्ने भएको छ । जिल्लामा ४ सय बढी पूर्व प्रहरीहरु रहेकाले उनीहरुको सिप र क्षमतालाई परिचालन गर्न सकेमा जिल्लाको विकासमा समेत टेवा पुग्ने पूर्व प्रहरी राम बहादुर हायुले बताए ।
