सिन्धुली । लागुऔषध खैरो हिरोईन सहित बुधबार सिन्धुलीको दुधौलीबाट दुई जना पक्राउ परेका छन् । जिल्ला प्रहरी कार्यालय सिन्धुलीका अनुसार दुधौली नगरपालिका वडा नं. ७ पोखरेस्थित प्रहरी चेकपोस्टमा सवारी साधन जाँच गर्ने क्रममा उनीहरूलाई पक्राउ गरिएको हो ।
इटहरीबाट काठमाडौं जाँदै गरेको बा.प्र.०१–००६ ख १४५३ नम्बरको हायस रोकी चेकजाँच गर्ने क्रममा हायसमा सवार सप्तरी छिन्नमस्ता गाउँपालिका–४ का ३२ वर्षीय कृष्णकुमार यादव र २९ वर्षीय देवेन्द्र यादवलाई पक्राउ गरेको जिल्ला प्रहरी कार्यालय सिन्धुलीले जनाएको छ ।
उनीहरुको साथबाट ५ ग्राम ३ मिलिग्राम खैरो हिरोईन फेला पारिएको फेला परेको जिल्ला प्रहरी कार्यालय सिन्धुलीद्वारा जारी गरिएको प्रेस नोटमा उल्लेख छ ।
पक्राउ परेका दुवै जनालाई नियन्त्रणमा लिई इलाका प्रहरी कार्यालय डकाहा, सिन्धुलीमा ल्याएर थप अनुसन्धान भइरहेको जिल्ला प्रहरी कार्यालय सिन्धुलीले जनाएको छ ।
