सिन्धुली । प्रतिनिधिसभाका निवर्तमान सदस्य लेखनाथ दाहाल (राजन) मोटरसाईकल दुर्घटनामा परि घाईते भएका छन् । मंगलबार विहान कमलामाई नगरपालिका ४ खट्टारमा भएको मोटरसाईकल दुर्घटनामा परि उनी घाईते भएका हुन् ।
नेपाली कम्युनिष्ट पार्टीका केन्द्रीय सदस्य एवम् सिन्धुली जिल्ला इन्चार्ज समेत रहेका दाहालको हातमा गम्भिर चोट लागेको छ । उनीसँगै मोटरसाईकल चालक तथा नेपाली कम्युनिष्ट पार्टीका मरिण गाउँपालिका इन्चार्ज पदम अस्थानी समेत घाईते छन् । कुकुरले बाटो काट्ने क्रममा मोटरसाईकल दुर्घटना भएको थियो ।
नेपाली कम्युनिष्ट पार्टीको मरिणमा हुने कार्यक्रममा सहभागि हुन सिन्धुलीमाढीबाट मरिण जाने क्रममा मोटरसाईकल दुर्घटना भएको थियो । घाईते दुवै जनाको सिन्धुली अस्पतालमा उपचार भईरहेको छ । दुवैको अवस्था खतरामुक्त रहेको सिन्धुली अस्पतालले जनाएको छ ।
फेसबुक मार्फत प्रतिकिया दिनुहोला
Advertisement. Scroll to continue reading.
