सिन्धुली । कमलामाई नगरपालिका सिन्धुलीले विहिबार लैंगिक समानता सम्बन्धि एक दिने अभिमुखीकरण कार्यक्रम सम्पन्न गरेको छ । नगरपालिकाका वडा अध्यक्षहरु, कार्यपालिका सदस्यहरु, नगरपालिकाका शाखा प्रमुखहरु लगाएतलाई लैंगिक समानता सम्बन्धि राष्ट्रिय तथा अन्तर्राष्ट्रिय दस्तावेजका बारेमा अभिमुखीकरण गरिएको हो ।
नगर उपप्रमुख मञ्जु देवकोटाको अध्यक्षता तथा नगर प्रमुख उपेन्द्र कुमार पोखरेलको प्रमुख आतिथ्यतामा सम्पन्न कार्यक्रममा जिल्ला न्यायाधिवक्ता निमा घिमिरेले महिला विरुद्ध हुने सबै प्रकारका भेदभाव उन्मूलन गर्ने महासन्धि १९७९ तथा संयुक्त राष्ट्र संघीय सुरक्षा परिषद्का प्रस्ताव नं. १३२५ र १८२० सम्बन्ध सहजीकरण गरेका थिए ।
महिला, बालबालिका तथा समाज कल्याण शाखा प्रमुख इन्दिरा कुमारी थापाले कार्यक्रमको उद्देश्यबारे प्रकाश पारेकी थिईन भने कार्यक्रम सञ्चालन महिला बालबालिका तथा समाज कल्याण शाखाका कर्मचारी सावित्रा कुमारी रेग्मी देवकोटा गरेकी थिईन । कार्यक्रममा लैङ्गिक समानता प्रवद्र्धन तथा सम्बन्धित कानुनी तथा नीतिगत व्यवस्थाबारे सहभागीहरूलाई स्पष्ट गरिएको थियो ।
