सिन्धुली । ब्रह्मकुमारी राजयोग सिन्धुलीले आइतबार जिल्ला प्रहरी कार्यालय सिन्धुली र मातहतमा कार्यरत प्रहरीहरुलाई मेरिटेशन गराएको छ । प्रहरीहरुलाई सुरक्षामा खटिदा तनाव मुक्त बनाउन र आनन्दमय जीवनका लागि सकारात्मक सोंचको विकास गर्नका लागि मेरिट्शन गराईएको हो ।
वह्माकुमारी राजयोगका सञ्चालिका संगिता गुप्ताको अध्यक्षता तथा जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेको प्रमुख आतिथ्यतामा सिन्धुलीमाढीमा कार्यक्रम गरिएको हो । कार्यक्रममा ब्रह्माकुमारी संगिताले मेरिटेशन गराएकी थिईन ।
कार्यक्रममा बोल्दै एसपी काफ्लेले प्रहरी कर्मचारीहरु परिवार र कार्यालयको काम व्यवस्थापनका कारण तनाव रहने हुदा उनीहरुलाई तनाव रहित बनाउन आवश्यक रहेको बताए ।
उनले ब्रह्मकुमारी राजयोगले प्रहरीसँग सहकार्य गरेर प्रहरीलाई तनावमुक्त मात्र नबनाई लागु औषध नियन्त्रण लगाएतका क्षेत्रमा समेत सहकार्य गरेको बताएका छन ।
कार्यक्रममा बोल्दै कमलामाई नगरपालिकाका पूर्व मेयर खड्ग खत्रीले आनीवानी, खानपानका कारण हामी विकृत बन्दै गएकाले आहारविहारमा ध्यान दिन आवश्यक रहेको बताए । उनले योग, खानपान, एकाग्रताले जीवन परिवर्तन गर्ने बताए ।
यस्तै कार्यक्रममा बोल्दै नेपाल पत्रकार महासंघ बागमती प्रदेशका उपाध्यक्ष बिमला पाण्डेले पछिल्लो समय मानिसहरुमा नकरात्मक सोंच बढ्न थालेको बताउँदै सकारात्मक सोंच बढाउनुपर्नेमा जोड दिईन । उनले सकारात्मक सोंचको विकास भएमा मात्र घर, टोल, समाज र देशको विकास गर्न सकिने बताईन । उनले नकारात्मकता बढेको बेलामा ब्रह्माकुमारी राजयोग जस्ता संस्थाहरुको भूमिका बढ्नुपर्नेमा जोड दिईन ।
कार्यक्रममा बोल्दै जिल्ला प्रहरी कार्यालय सिन्धुलीका डिएसपी सूर्यप्रकाशन सुवेदीले मेरिटेशनले जीवन बदल्न मद्दत गर्ने बताउँदै जिल्लामा रहँदा सहकार्य हुने बताए । ब्रह्मकुमारी राजयोगका सञ्चालिका संगिताले आत्मा र मनलाई जोड्ने र कर्ममा सक्षम बनाउन सकारात्मक सोंचको आवश्यकता रहेको बताईन ।
कार्यक्रमका अवसरमा जिल्ला प्रहरी कार्यालय सिन्धुलीले ब्रह्मकुमारी राजयोगले समुदाय प्रहरी साझेदारी कार्यक्रम अन्तर्गत प्रहरीसँग सहकार्य गरेको र प्रहरी कर्मचारीको सकरात्मक सोंच एवम व्यवहार परिवर्तन गर्न सहयोग गरेको भन्दै राजयोग सिन्धुलीका सञ्चालिका संगितालाई सम्मान समेत गरेको छ ।
एसपी काफ्लेले उक्त सम्मान पत्र हस्तान्तरण गरेका छन । कार्यक्रमका अवसरमा जिल्लाबाट सरुवा भएका एसपी गोविन्दराज काफ्लेलाई विदाई गरिएको छ भने जिल्लामा सरुवा भई आएका डिएसपी सूर्यप्रकाश सुवेदी सहितका प्रहरी कर्मचारीलाई स्वागत गरिएको छ ।
