सिन्धुली । नेपाल पत्रकार महासंघले मे ३ अर्थात विश्व प्रेस स्वतन्त्रता दिवसका अवसरमा प्रेस स्वतन्त्रता हननका घटनाहरु सार्वजनिक गरेको छ । हरेक वर्ष जस्तै मे ४ २०२४ देखि नेपाल पत्रकार महासंघमा आएका प्रेस स्वतन्त्रता हननका घटना अभिलेखीकरण गरि महासंघले प्रतिवेदन सार्वजनिक गरेको हो । प्रतिवेदन अनुसार यो वर्ष ७३ वटा प्रेस स्वतन्त्रता हननका घटना भएका छन । गत वर्ष ६२ वटा घटना भएका थिए ।
७३ वटा घटनामा ११५ जना पत्रकार र पाँच वटा सञ्चार संस्थाहरु आक्रमणमा परेका छन । नेपाल पत्रकार महासंघको सञ्चार अनुगमन ईकाईका अनुसार एक वर्षमा २ जना पत्रकारले हत्या भएको छ । प्रतिवेदनमा उल्लेख भए अनुसार गिरफ्तारी २, कब्जा तथा अवरोध ९, पत्रकार दुव्र्यवहार तथा धम्कि २४, आक्रमणका २० वटा घटना भएका छन ।
महासंघमा पेशागत असुरक्षाका १६ वटा घटना अभिलेख भएका छन । यस अवधिमा पत्रकारमाथि धम्कि, धरपकड तथा दुव्र्यवहारका घटनाहरु भएको भन्दै महासंघले यस्ता घटनालाई निन्दनीय भनेको छ । यस्तै महासंघले लोकतन्त्रमाथिको प्रहारका रुपमा समेत घटनाहरुलाई लिईएको जनाएको छ ।
पत्रकार महासंघका केन्द्रीय अध्यक्ष निर्मला शर्माद्वारा जारी गरिएको शुभकामना सन्देशमा विभिन्न आन्दोलन र राज्यका व्यवहारका कारण नेपाली प्रेस जगतले निर्भयतापूर्वक काम गर्न नसकेको उल्लेख गरिएको छ ।
