सिन्धुली । नेकपा एमालेका नेता तथा कार्यकर्ताहरु उद्धार र सरसफाईमा खटिएका छन । नेकपा एमालेका कार्यकर्ता, जनसंगठनका नेता कार्यकर्ताहरु उद्धार र सरसफाईमा खटिएका हुन ।
एमालेले राष्ट्रिय युवा संघ, अनेरास्ववियु, अखिल नेपाल महिला संघ, भूपू प्रहरी तथा सैनिक संगठनका नेता कार्यकर्तालाई बाढी पहिरो प्रभावित क्षेत्रमा उद्धार र सरसफाईका लागि खटाएको हो ।
फिक्कल एमालेले फिक्कलमा नेता कार्यकर्तालाई उद्धार, राहत र सरसफाईमा सहयोग गर्न खटाएको छ । गोलञ्जोरले क्षतिग्रस्त क्षेत्रका पायक पर्ने ठाउँमा कार्यकर्ता खटाएको छ भने खुर्कोटमा युवा, विद्यार्थी, महिलालाई खुर्कोटमा खटाएको छ । सोमबारदेखि नै एमालेका स्वयमसेवक खटिएका छन ।
पुरिएका सामान निकाल्ने, सरसफाई गर्ने लगाएतका काममा उनीहरु खटिएको नेकपा एमालेका उपसचिव पार्वती भट्टराईले बताईन । उनका अनुसार सुनकोशीमा स्थानीय कार्यकर्ताले आवश्यकता अनुसार सहयोग गरिरहेका छन । उनीहरुले सडकको पहिरो पन्छाउने, सरसफाई गर्ने लगाएतका काममा समेत सहकार्य गरिरहेको भट्टराईले बताईन । विपदमा एमालेका कार्यकर्तालाई सक्दो सहयोग गर्न अनुरोध गरिएको पनि उनले बताईन ।
यस्तै नेकपा एमाले कमलामाई नगर कमिटीले पनि खुर्कोटमा स्वयमसेवक परिचालन गरेको जनाएको छ । उनीहरुले प्रहरी, सशस्त्र प्रहरी र नेपाली सेनासँगै मिलेर उद्धार र सरसफाई गरिरहेका छन ।
