सिन्धुली । अनेरास्ववियु बागमति प्रदेश कमिटीले बाढी पहिरो प्रभावित क्षेत्रमा राहत, उद्धार र पुनःस्र्थापनाका लागि पाँचसय स्वयमसेवक परिचालन गर्ने भएको छ ।
अनेरास्वियु बागमती प्रदेश कमिटीको समन्वय तथा प्रभावित जिल्लाहरुका सम्बन्धित कमिटीहरुको आयोजनामा प्रभावित जिल्लाहरुमा राहत, उद्धार र पुनःस्र्थापनाका लागि स्वयमसेवक खटाउने निर्णय गरेको अनेरास्ववियु वागमती प्रदेश अध्यक्ष लाल बहादुर बुढाथोकीले बताए ।
उनका अनुसार प्रदेश कमिटीका पदाधिकारीहरु सदस्यहरु र प्रत्येक जिल्लाबाट कम्तिमा पचास जनाको दरले पाँचसय स्वयमसेवक परिचालन गर्ने निर्णय गरेको उनले बताए ।
उनका अनुसार अनेरास्ववियुका स्वयम सेवकले प्रभावित क्षेत्रमा निःशुल्क स्वास्थ्य शिविर संचालन गर्ने, राहत वितरणमा सहयोग गर्ने, भत्किएका घर, विद्यालय, सडक तथा सार्वजनिक स्थलको सरसफाई गर्ने, अलपत्र यात्रुहरुको उद्धार र्ने गराउने लगाएतका काम गर्नेछन । आइतबार भर्जुअल माध्यमबाट बसेको बैठकले गरेको निर्णय अनेरास्ववियुले मंगलबार विज्ञप्ती प्रकाशित गरि जानकारी गराएको छ ।
अनेरास्ववियुले उक्त निर्णय कार्यान्वयन गर्न समेत सुरु गरेको बुढाथोकीले बताएका छन । स्वयमसेवक खटाउने कामको संयोजन अनेरास्ववियु बाग्मती प्रदेश कमिटीको खेलकुद तथा स्वंयसेवक विभागले गर्ने पनि उनले बताए
यसैबीच अनेरास्ववियुले चाडबाड लक्षित गरेर हुन सक्ने कृतिम अभाव, कालोबजारी, महङ्गिलाई अनुगमन गरी प्रभावकारी ढंगले नियन्त्रण गर्न सम्बन्धित सरोकारवालासंग माग गर्ने, प्राकृतिक विपत्तिको समयमा निजी क्षेत्र साझेदारी बन्नु पर्नेमा झन अवसरको रुपमा लिई हवाइभाडा बढी लिएको जनगुनासो आएकोले सरकारसंग नियन्त्रणको लागि पहल गर्ने निर्णय समेत गरेको छ ।
