बिमला काफ्ले
सिन्धुली । सिद्धेश्वर खानेपानी तथा सरसफाई उपभोक्ता संस्था सिन्धुलीको मतगणना जारी छ । सोमबार विहानसम्ममा सदस्यहरुको मतगणना सकिएको छ । छैटौं अधिवेशनबाट नेतृत्व चयनका लागि शनिबार सिन्धुलीमाढीमा भएको मतदानपछि आइतबार दिउँसोदेखि मतगणना सुरु भएको थियो ।
महिला सदस्यहरुको मत परिणाम आइतबार साँझ आईसकेको थियो भने खुला सदस्यतर्फको मत परिणाम सोमबार विहान आएको छ ।
खुला सदस्य तर्फ एमाले राप्रपाको संयुक्त प्यानलबाट तीनजना सदस्य विजयी भएका छन । कांग्रेस माओवादी प्यानलबाट एक जना सदस्य र स्वतन्त्र प्यानलका एकजना सदस्य विजयी भएका छन ।
कमलामाई नगरपालिकाको नै मिनी चुनावका रुपमा हेरिएको खानेपानीको निर्वाचन महिला सदस्यमा नेकपा एमाले र राप्रपाको संयुक्त प्यानलबाट दशरथ कुमार थापा, कपिल कुमार श्रेष्ठ र इन्द्र बहादुर भुजेल निर्वाचित भएका छन भने स्वतन्त्रबाट विज्ञान ढकाल, नेपाली कांग्रेस माओवादीको संयुक्त प्यानलबाट लवदेव जोशी निर्वाचित भएका छन ।
थापाले ९४८, श्रेष्ठले ९०४, भुजेलले ८९४ मत प्राप्त गरेका छन । यस्तै ढकालले ७३२ र जोशीले ७२५ मत प्राप्त गरेका छन । पाँच जना निर्वाचित हुने खुला सदस्यमा १६ जनाको उमेदवारी परेको थियो ।
यसअघि सम्पन्न महिला सदस्यहरुको मतगणनामा नेकपा एमाले र राप्रपाको तर्फबाट शारदा ढकाल र सुमना थापा विजयी भईसकेका छन भने कांग्रेस माओवादीको प्यानलबाट चन्द्रकला खड्का निर्वाचित भएकी छिन ।
