सिन्धुली । जिल्लाको तीनपाटन गाउँपालिकाले एकिकृत घुम्ति शिविर संचालन गरेको छ । शिविरको उद्घाटन सत्रलाई सम्बोधन गर्दै गाउँपालिकाका प्रमुख प्रशासकिय अधिकृत जितेन्द्र गिरी सार्वजनिक सेवामा सबै नागरिकको पहुँच सुनिश्चित गर्न यो एकिकृत घुम्ती शिविर संचालन गरेको बताए ।
उद्घाटन सत्रलाई सम्बोधन गर्दै गिरीले जनताको नजिकको सरकारको रुपमा स्थानीय सरकार रहेकाले जनताले पाउने सेवा नागरिकको हक भएका बताए । उनले जनताको हकलाई जनताकै घर दैलोमा पुगी सेवा प्रदान गर्ने कार्यमा पालिकाले प्रयास गरेको बताए । उनले जनताको अधिकारलाई जनताको घरदैलो सम्म पु¥याउनु पालिकाको सम्पूर्ण जनप्रतिनिधी र कर्मचारीहरुको कर्तव्य भएकाले सोही कर्तव्य पुरा गर्न पालिका लागी परेको उनले बताए । पालिका तथा वडा केन्द्र बाट टाढा रहेका यस्ता वस्तिमा आगामी दिनमा पनि यस्ता घुम्ती शिविरलाई निरन्तरता दिइने प्रमुख प्रशासकिय अधिकृत गिरीले बताए।पालिकाको वडा नम्वर ६ मा शिविर संचालन गरिएको हो ।
गाउँपालिका उपाध्यक्ष धनवहादुर पुलामी मगरको अध्यक्षतामा भएको कार्यक्रमलाई सम्बोधन गर्दै उपाध्यक्ष पुलामीले सिंहदरबार अधिकार गाउँगाउँमा भन्ने अनुभुति दिलाउन र जनताले विना झण्झट सेवाा गाउँघरमै पाउन र सिंहदरबार गाउँमा नै आएको महशुस गर्न पाउन भन्ने हेतुले एकिकृत घुम्ति शिविर संचालन गरेको उनले बताए जनताको सेवा प्रवाहमा जोड दिने र सिचाई, बाटो घाटो गा. पा. प्रति भएको गुनासो पनि राख्नको लागि उनले वडाबासीलाई अनुरोध गरे ।
पालिकाको आ.व ०७९।८० को पहिलो घुम्ती शिविर भएकाले केही त्रुटि वा केही अपुग भएका पालिकाले भोलिका दिनमा यसलाई सुधार गर्दै लैजाने उनले बताए । घुम्ती शिविरमा आयुर्वेद सेवा, पशु उपचार सेवा, कृषि सेवा, स्वास्थ्य सेवा, व्यक्तिगत घटना दर्ता तथा सामाजिक सुरक्षा सेवा , योजना सम्झौता, जेष्ठ नागरिक परिचय पत्र वितरण लगाएतको सेवा प्रदान गरिएको छ ।आयुर्वेद शाखाले विभिन्न ११ वटा प्रश्नावली तयार गरि पारिवारिक तथा स्वास्थ्य सम्वन्धि जानकारी लिएको थियो, भने योजना शाखा मार्फत योजना अनुगमन समेत प्रदान गरेको थियो । शिविरमा ४ सय ९८ जनाले सेवा लिएको पालिकाका मनोपरामर्शकर्ता पोष्टराज भण्डारीले बताए ।
