सिन्धुली/जननेता मदन भण्डारीको ६८ औँ जन्मजयन्तीको अवसरमा सिन्धुलीको शैलशिखर अनाथालयलाई स्टेशनरी सामग्री हस्तान्तरण गरिएको छ । जनताको बहुदलीय जनवादका प्रतिपादक मदन भण्डारीको ६८ औँ जन्मजयन्तीको अवसरमा मदन भण्डारी फाउण्डेसन सिन्धुलीद्वारा सिन्धुलीको कमलामाई नगरपालिका –९, ढुङ्ग्रेबासमा रहेको उक्त अनाथालयलाई स्टेशनरी सामग्री वितरण गरिएको हो ।
शैक्षिक सामग्री वितरण कार्यक्रम मदन भण्डारी फाउण्डेसनका जिल्ला अध्यक्ष कौशल कोइरालाको अध्यक्षता तथा ३ नं. प्रदेशका प्रदेश सभा सदस्य तथा नेकपाका जिल्ला सचिव प्रदीप कटुवालको प्रमुख आतिथ्यतामा सम्पन्न भएको थियो । कार्यक्रमको संचालन मदन भण्डारी फाउण्डेशनका जिल्ला सचिव लाल बहादुर बुढाथोकीले गरेका थिए ।
फेसबुक मार्फत प्रतिकिया दिनुहोला
Advertisement. Scroll to continue reading.
