सिन्धुली । अनौपचारिक क्षेत्र सेवा केन्द्र(इन्सेक) जिल्ला कार्यालय सिन्धुलीले हिंसा पीडित २ जनालाई २०७५ मंसिर ६ गते सहयोग गरेको छ । बलात्कारबाट पीडित भएकी एक १४ वर्षिय बालिका र कनपा ९ की घरेलु हिंसा पीडित महिला सर्मिला दनुवारलाई एक एक हजार रुपैंया सहयोग गरेको हो ।
इन्सेक जिल्ला प्रतिनिधि बिमला पाण्डे, जिल्ला स्तरीय मानवअधिकार सञ्जाल सिन्धुलीका संयोजक द्वारिका काफ्ले, कमलामाई नगरपालिकाका उपमेयर मञ्जु देवकोटाको टोलीले पीडितको घरमै पुगेर उक्त रकम हस्तान्तरण गरेको हो ।
Advertisement. Scroll to continue reading.
हिंसा पीडितको अवस्था अध्ययनका साथै उनीहरुलाई मानसिक हिसाबले उर्जा प्रदान गर्दै उक्त रकम उपमेयर मञ्जु देवकोटा मार्फत हस्तान्तरण गरिएको हो । पीडित बालिकालाई विद्यालयमा पठाउन परिवारलाई टोलीले आग्रह समेत गरेको छ ।
फेसबुक मार्फत प्रतिकिया दिनुहोला
