सिन्धुली । सिन्धुली उद्योग वाणिज्य संघ सिन्धुलीको अध्यक्षमा अर्जुनकुमार श्रेष्ठ अध्यक्षमा निर्विरोध निर्वाचित भएका छन । बुधबार गरिएको मनोनयन दर्तामा एकल उमेदवारी परेपछि उनी अध्यक्षमा निर्विरोध निर्वाचित भएका हुन ।
उनीसँगै उद्योग वाणिज्य संघका सम्पूर्ण पदाधिकारी तथा सदस्यहरु निर्विरोध निर्वाचित भएका छन । जसको वरिष्ठ उपाध्यक्ष विरवल चौधरी, उद्योग उपाध्यक्ष रामभक्त श्रेष्ठ, वाणिज्य उपाध्यक्ष बासु भेटुवाल, शाखा उपाध्यक्ष चिनध्वज बम्जन, वस्तुगत उपाध्यक्ष अमृत श्रेष्ठ, महिला उपाध्यक्ष राधा खड्का, राजकुमार राजभण्डारी, कोषाध्यक्ष कुल बहादुर थापा, उपमहासचिव युवराज श्रेष्ठ, सहकोषाध्यक्ष लालमान तामाङ चयन भएका हुन ।
यस्तै उद्योग सचिव तेजु वि.क, वाणिज्य सचिव विनोद प्रधान, महिला सचिव बिमला कुमारी काफ्ले निर्वाचित भएका छन । यस्तै खुला सदस्यमा विजय कुमार बस्नेत, देव श्रेष्ठ, नविन श्रेष्ठ, विराज सापकोटा, प्रकाश काफ्ले निर्विरोध निर्वाचित भए ।
यसैगरि महिला सदस्यमा चन्द्रकला खड्का, टिका कुमारी थापा, निरु श्रेष्ठ र सिता सत्याल चयन भए भने आजिवन सदस्यमा गोविन्द खड्का र यशोसियट सदस्यमा शाह आलम साफी निर्विरोध निर्वाचित भए ।
तीन राजनीतिक दल सम्बद्ध व्यवसायीहरुले सर्वसहमतिमा नेतृत्व चयन गर्ने गरि सहमति गरेसँगै सबै पदाधिकारी तथा सदस्यहरु निर्विरोध निर्वाचित भएका हुन । जसका लागि पदाधिकारी र सदस्यहरुको भागबण्डा गरिएको थियो । सोहि अनुसार मनोनयन दर्ता गरिएको थियो ।
छलफलबाट नेकपा एमालेले ३ पदाधिकारी र ३ सदस्य पाएको छ भने नेकपा माओवादी केन्द्रले २ पदाधिकारी, २ सदस्य बाँकी सबै पद नेपाली कांग्रेसको भागमा रहने गरि सहमति गरिएको थियो ।
