‘मापसे सरकार कहाँ छ यो वाईक विक्रीमा छ’
सिन्धुली । नेकपा एमाले निकट युवा विद्यार्थीले शुक्रबार साँझ सिन्धुलीमाढीमा सरकारको विरोधमा कालो पट्टी सहित मोटरसाईकल ¥याली निकालेका छन ।
अनेरास्ववियु सिन्धुली र राष्ट्रिय युवा संघ नेपाल सिन्धुलीले संयुक्त रुपमा विरोध जुलुस निकालेका हुन ।
सरकारले पटक पटक गरेको पेट्रोलियम पदार्थको मुल्यवृद्धि, विभिन्न बाहनामा गरिएको दैनिक उपभोग्य सामानको मुल्यवृद्धिको विरोधमा उनीहरुले नारा जुलुस गरेका हुन । मोटरसाईकलमा विभिन्न नारा र माग लेखेको पोष्टर टाँसी टाउकोमा कालोपट्टी बाँधी उनीहरुले विरोध जुलुस निकालेका हुन ।
युवा तथा विद्यार्थीले नेकपा एमालेको पार्टी कार्यालय २ नं. बजारबाट निकालेको मोटरसाईकल जुलुस लोकतान्त्रिक चोकमा गई समापन गरिएको थियो । युवा विद्यार्थीले मापसे सरकार कहाँ छ ? यो बाईक विक्रीमा छ भन्ने नारा लेखेर मोटरसाईकलमा टाँसेका थिए ।
यस्तै मापसे सरकारको उपहार, मुल्यवृद्धि कालोबजारी र भ्रष्टाचार, स्वास्थ्यमन्त्री ज्यू २६ लाख खोप कहाँ छ ?, पेट्रोलको मुल्य रु १५० पुग्यो, अब त मुखको टेप खोलौं न मन्त्री ज्यू लगाएतका नारा सहित मोटरसाईकल ¥याली गरिएको थियो ।
