सिन्धुली । जिल्लामा खोलामा डुवेर एकजना र रुखबाट लडेर एकजना गरि दुईजनाको मृत्यु भएको छ । आइतबार कमलामाई नगरपालिका वडा नं. ७ बेलगासी स्थित ग्वाङखोलाको दोभानमा डुवेर एकजनाको मृत्यु भएको छ । घरबाट नुहाउन भनि गएका कमलामाई नगरपालिका वडा नं. ७ का ३५ वर्षिय बुद्ध स्याङ्वाको मृत्यु भएको जिल्ला प्रहरी कार्यालय सिन्धुलीले जनाएको छ ।
दिउँसो १२ बजे घरबाट निस्केका स्याङ्वालाई उनका बुवाले सनमान तामाङले बारीमा केरा रोप्न जाँदा दिउँसो साढे २ बजेतिर खोलामा डुवेको देखेपछि प्रहरीलाई खबर गरेका थिए ।
यस्तै फिक्कल गाउँपालिका वडा नं. ३ चनौटेमा रुखबाट लडेर एकजनाको मृत्यु भएको छ । मृत्यु हुनेमा फिक्कल गाउँपालिका वडा नं. ३ चनौटेका ४१ वर्षिय इन्द्र आले मगर रहेको प्रहरीले जनाएको छ । स्थानीय तिनअंकेडाँडा सामुदायिक वनमा खस्रोको रुखमा चढी घाँस काट्ने क्रममा रुखबाट लडेर मगरको मृत्यु भएको हो ।
रुखबाट लडेर घाईते भएका मगरलाई उपचारका लागि काठमान्डौ लाँदै गर्दा बाटोमा मृत्यु भएको बागमती प्रदेश प्रहरी कार्यालय हेटौडाले जनाएको छ ।
प्रहरीका अनुसार स्थानीय चनौटे अस्पतालमा सामान्य उपचारपछि थप उपचारका लागि खुर्कोट मन्थली, चरिकोट हुँदै काठमान्डौ लाने क्रममा चरिकोट पुग्दा मृत्यु भएको हो । उनलाई गाह्रो भएको भनि पशुपती चौलागाई स्मृती अस्पताल चरिकोटमा राती १ बजे लाँदा अस्पतालले मृत घोषणा गरेको थियो ।
