सिन्धुली । फागुन २१ गते हुने प्रतिनिधि सभा निर्वाचनको लागि जिल्लामा २ सय ७२ निर्वाचन केन्द्र कायम गरिएको छ । जिल्ला निर्वाचन कार्यालय सिन्धुलीका अनुसार प्रतिनिधि सभा क्षेत्र नं १ मा १ सय ३८ र निर्वाचन क्षेत्र नं. २ मा १ सय ३४ गरि २ सय ७२ मतदान केन्द्र कायम गरिएको जिल्ला निर्वाचन कार्यालय सिन्धुलीले जनाएको छ ।
यस्तै प्रतिनिधिसभा निर्वाचनमा २ लाख १५ हजार १९ जना मतदाताले मतदान गर्ने भएका छन् । प्रतिनिधि सभा क्षेत्र नं. १ मा १ लाख १० हजार ३ सय ९१ जना मतदाताले मतदान गर्नेछन् । जसमा ५७ हजार २ सय २ जना पुरुष र ५३ हजार १ सय ८९ जना महिला मतदाता रहेका छन् ।
त्यस्तै प्रतिनिधि सभा क्षेत्र नं. २ मा १ लाख ४६ हजार २८ जना मतदाता रहेका छन् । जसमा ५४ हजार १ सय २२ पुरुष र ५० हजार ५ सय ६ जना महिला रहेका छन् ।
अठार वर्ष पूरा भएका सिन्धुली जिल्लाका अन्तिम मतदाता एवम मतदान स्थल र मतदान केन्द्रको सङ्यात्मक विवरण जिल्ला निर्वाचन कार्यालय सिन्धुलीले सार्वजनिक गरेको हो ।
