सिन्धुली । जिल्ला सुरक्षा समितिको बैठकले विपी राजमार्गको खुर्कोट नेपालथोक सडक खण्डमा ठूला सवारी तथा मालबाहक सवारी चल्न नदिने निर्णय गरेको छ ।
मंगलबार सिन्धुलीमाढीमा बसेको बैठकले मालबाहक सवारी साधन र ठूला सवारी साधनलाई सडक डिभिजनले सवारी चलाउन उपयुक्त भएको जानकारी नदिएसम्म चल्न नदिने निर्णय गरेको हो ।
Advertisement. Scroll to continue reading.
विपी राजमार्गको उक्त सडक खण्ड असोज ११, १२ को वर्षा र बाढीका कारण जिर्ण बनेको छ । सुरक्षा समितिको बैठकले सडक डिभिजन खाल्टेसँग यात्रु बाहक र मालबाहक सवारी साधन चलाउन मिल्ने नमिल्ने के हो ? जानकारी माग्ने समेत निर्णय गरेको छ ।
सडक डिभिजनले सडकमा सवारी गुडाउन मिल्ने नमिल्ने भनि मागिएको विवरण प्राप्त नभएसम्म खुर्कोट नेपालथोक सडकमा साना र मझौला सवारी साधन मात्र चल्न दिने निर्णय गरिएको छ । उक्त सडक खण्डमा अत्यावश्यक साना सवारी चलेका छन ।
फेसबुक मार्फत प्रतिकिया दिनुहोला
