सिन्धुली । सोमबार साँझ मोटरसाईकलले ठक्कर दिंदा एक पैदल यात्रु वृद्ध महिला गम्भिर घाईते भएकी छिन । दुधौलीको खोरभञ्याङ–दुधौली भित्री सडक खण्डमा खोरभञ्याङबाट दुधौलीतर्फ जाँदै गरेको प्र.१–०५–००१ प९९७० नम्बरको मोटरसाईकलले ठक्कर दिंदा दुधौली न.पा.८ सालघारीकी ८० वर्षकी वृद्ध कुमारी देवी महत्त घाईते भएकी हुन ।
उनलाई बाटो क्रस गर्ने क्रममा मोटरसाईकलले ठक्कर दिएको थियो । मोटरसाईकलको ठक्करबाट गम्भिर घाईते भएकी महिलालाई दुधौलीको हेण्ड्स अस्पतालमा उपचार गरि राती नै थप उपचारका लागि वर्दिवासमा रहेको शुभ स्वस्तिक अस्पताल पठाईएको प्रहरीले जनाएको छ ।
घाईते अचेत अवस्थामा रहेको, टाउकोमा चोट लागेको र दायाँ हातको कुहिनो र बायाँ खुट्टामा गम्भिर चोट लागेको वागमती प्रदेश प्रहरी कार्यालयले जनाएको छ ।
मोटरसाईकल र चालक दुधौली नगरपालिका ७ का जितु मुसरलाई प्रहरीले अनुसन्धानका लागि नियन्त्रणमा लिएको जनाएको छ ।
