सिन्धुली । नेपाल कम्युनिष्ट पार्टी एमाले सिन्धुलीले पालिका अधिवेशन सकेसँगै वडाका अधिवेशनमा केन्द्रीत भएको छ । जिल्लाका नौ वटा पालिका कमिटीको अधिवेशन सकेसँगै सबै पालिकामा वडाका अधिवेशन गरिरहेको छ ।
सोमबारसम्म साठी वटा वडाको अधिवशेन सम्पन्न गरिसकेको नेकपा एमाले सिन्धुलीका अध्यक्ष महेन्द्रदेव श्रेष्ठले बताए । जिललका ७९ वटा वडामध्ये अब १९ वटा वडाको अधिवेशन बाँकी रहेको र जेठ महिना भित्रमा सबै वडाको अधिवेशन सक्ने तयारी गरिएको श्रेष्ठले जानकारी दिए ।
जसका लागि पालिका कमिटीहरुले काम गरिरहेको पनि उनले जानकारी दिए । हालसम्म तीनपाटन गाउँपालिकाका ८ वटा वडा, कमलामाई नगरपालिकाका ११ वटा वडा, दुधौली नगरपालिकाका १ वटा वडा, फिक्कल गाउँपालिकाका सवै वडाहरु, गोलञ्जोर गाउँपालिकाका पनि अधिकांश वडाहरु, मरिण गाउँपालिकाका ७ वटै वडा, हरिहरपुरगढी गाउँपालिकाका ८ वटै वडाहरुमा अधिवेशन सम्पन्न भईसकेको अध्यक्ष श्रेष्ठले बताए ।
सुनकोशी र घ्याङ्लेख गाउँपालिकाका वडाहरुमा अधिवेशन मंगलवार हुने पनि श्रेष्ठले बताए । पार्टीको वडा तहमा सबै वडाहरुमा सर्वसम्वत नेतृत्व चयन भएको श्रेष्ठले बताए । पार्टीले लिएको मिसन ८४ लाई सफल पार्नको लागी अहिलेको कमिटिले सक्रियताका साथ काम गर्ने र जनताको माझमा पुग्ने श्रेष्ठले बताए ।
अहिले निर्वाचित हुने पार्टीका जिल्ला कमिटी, पालिका कमिटी र वडा कमिटीका पदाधिकारी तथा सदस्यहरुलाई काम नगर्ने छुट नभएको पनि उनले बताए । उनले नेकपा एमालेले लिएको मिसन ८४ को नीति लाई पुरा गर्ने जिम्मेवारी नवनिर्वाचित कमिटीहरुलाई रहेको बताए ।
