सिन्धुली । विपि राजमार्गमा बुधबार भएको मोटरसाईकल दुर्घटनामा तीन जना घाईते भएका छन । सुनकोशी गाउँपालिका –१ देविस्थानमा काठमाडौबाट रामेछापतर्फ जाँदै गरेको बा.प्र.०२–०२७प१०८९ नम्बरको मोटरसाइकल र विपरित दिशा सिन्धुलीबाट काठमाडौतर्फ जाँदै गरेको प्र२–०४–००१प२५५२ नम्बरको मोटरसाइकल एक–आपसमा ठोक्किदा तीन जना घाईते भएको जिल्ला प्रहरी कार्यालय सिन्धुलीले जनाएको छ ।
दुर्घटनामा बा.प्र.०२–०२७प१०८९ मोटरसाइकलका चालक रामेछाप लिखु तामाकोशी गाउँपालिका – ६ बस्ने २३ वर्षका जीवन तामाङ र सोही मोटरसाइकलको पछाडी बस्ने २३ वर्षका दोर्जे तामाङको टाउको, हातखुट्टा र शरिरको विभिन्न भागमा चोट लागि गम्भिर घाइते भएका छन ।
उक्त दुर्घटनामा सिन्धुलीबाट काठमाडौतर्फ जाँदै गरेको प्र२–०४–००१प२५५२ नम्बरको मोटरसाइकलमा सवार सिन्धुली तिनपाटन गाउँपालिका –११ घर भई हाल महोत्तरी बर्दिबास नगरपालिका –१ बस्ने ३८ वर्षका खुशीराज काफ्ले गम्भीर घाइते भएका छन । काफ्लेको दाहिने खुट्टा र टाउकोमा गम्भिर चोट लागेको छ ।
घाइतेलाई उपचारका लागि पठाईएको प्रहरी नायब उपरीक्षक चिरञ्जीवी दाहालले बताए ।
