सिन्धुली । तीनपाटन गाउँपालिका १० मा एकिकृति घुम्ति शिविर सम्पन्न भएकोछ । गाउँपालिकाबाट प्रवाह हुने सेवालाई नागरिकको घरदैलोमा नै प्रदान गर्ने उद्देश्यले शिविर संचालन गरेको पालिकाले जनाएको छ ।
पालिकाको वडा नम्वर १० मा रहेको आधारभुत स्वास्थ्य केन्द्र तीनपाटनमा पालिका बाट प्रवाह हुने विभिन्न ७ वटा सेवाहरु प्रवाह गरिएको पालिकाका प्रमुख प्रशासकिय अधिकृत जीतेन्द्र गिरीले बताए । साथै शिविरमा“बढ्दैछ चुनौति क्यान्सरको, पहुँच बढाऔँ स्याहारको ” भन्ने नाराका साथ विश्व क्यान्सर दिवस २०२३ समेत मनाईएको छ । दिवसको अवसरमा स्वास्थ्य शाखा प्रमुख रितेश गिरीले क्यान्सर सम्वन्धि महत्वपूर्ण जानकारी समेत दिएका थिए ।
कार्यक्रममा आयुर्वेद स्वास्थ्य शाखाले मेरो स्वास्थ्य मेरो जिम्मेवारी,निरोगी तीनपाटन हाम्रो अभियान भन्ने नारा सहित रोग विरुद्ध जनचेतना मुलक कार्यक्रम समेत प्रदान गरेको थियो ।
गाउँपालिका उपाध्यक्ष धनवहादुर पुलामी(अशोक)को अध्यक्षता मा भएको कार्यक्रममा वडा नम्वर १० का वडा अध्यक्ष पुष्यहरी भुजेल, प्रमुख प्रशासकिय अधिकृत जितेन्द्र गिरी लगायत पालिकाका विभिन्न शाखाका प्रमुखहरुको उपस्थिति रहेको पालिकाका मनोपरामर्शकर्ता पोष्टराज भण्डारीले बताए । शिविरको पालिका उपाध्यक्ष पुलामीले ब्यानर पढ्ेर उद्घाटन गरेका थिए । कार्यक्रममा उपस्थितिहरुलाई वडा अध्यक्ष पुष्यहरी भुजेलले स्वागत मन्तव्य मार्फत स्वागत गरेका थिए ।
पालिकाबाट प्रवाह हुदै आएका र नागरिकसँग प्रत्यक्ष सरोकार राख्ने १० वटा र सरकारको काम जनताको नजिक र घरदैलोमा नै प्रदान गर्ने उद्देश्यले पालिकाको वडा नम्वर ५,९ र १० लाई केन्द्रमा राखेर सेवा प्रदान गरेको प्रमुख प्रशासकिय अधिकृत गिरीले बताए ।
पालिकाबाट प्रवाह हुने सेवाहरु आर्युवेद सेवा, पशु उपचारसेवा, कृषिसेवा, स्वास्थ्य सेवा, व्यक्तिगत घटना दर्ता सेवा, जेष्ठ नागरिक परिचय पत्र प्रदान लगायतका सेवा प्रवाह गरेको गिरीले बताए ।
कार्यक्रमलाई सम्बोधन गर्दै पालिका उपाध्यक्ष पुलामीले यस बर्ष पालिकाले संचालन गरेको यो दोस्रो शिविर भएको ले सिंहदरबारको अधिकार गाउँगाउँमा भन्ने उद्देश्यका साथ नेपाल संघिय लोकतान्त्रिक गणतन्त्रात्म मुलुक भएकाले गणतन्त्र आएको जनताले अनुभुति गर्न पाउने गरी पालिकाले सेवा प्रवाह गर्ने उनले प्रतिवद्धता व्यक्त गरे । पालिकाले जनताको घरमा नै गएर स्वास्थ्य सेवा, पशुसेवा अन्य सेवाहरु प्रवाह गर्दै आएको र गर्दै जाने उनले बताए ।
शिविरमा १३० जनाले स्वास्थ्य सेवा, १३७ जनाले कृषि सेवा,१४८ जनाले पशुसेवा,१४९ जनाले आर्युवेद सेवा, १९ जनाले जेष्ठनागरिक परिचयपत्र र ६ जनाले व्यक्तिगत घट्ना दर्ताको सेवा लिएको मनोपरामर्शकर्ता भण्डारीले बताए ।
