सिन्धुली । सिन्धुली अपांग महिला संघ सिन्धुलीले संघका अध्यक्ष दिल कुमारी देवकोटा –दिपा)लाई अन्तर्राष्ट्रिय अपांगता दिवसको सन्दर्भमा सम्मान गरेको छ ।
शुक्रबार संघको कार्यालयमा उनलाई सम्मान गरिएको हो । अपांगता भएका व्यक्तिहरुको प्रेरणाका रुपमा काम गरेको तथा समाज परिवर्तनमा उल्लेखनिय योगदान दिएको भन्दै उनलाई सम्मान गरिएको हो ।
एक औपचारिक कार्यक्रमको आयोजना गरि उनलाई सम्मान गरिएको हो ।
न्युनतम पारिश्रमिक निर्धारण समितिका सदस्य बिमला पाण्डेले उनलाई दोसल्ला ओढाई, प्रमाणपत्र प्रदान गरि सम्मान गरेकी छिन । देवकोटा संघको अध्यक्ष हुदै राष्ट्रिय अपांग महासंघ नेपालको मंसिर १३ र १४ गते बाँकेको नेपालगञ्जमा भएको ९ औं अधिवेशनबाट केन्द्रीय सदस्यमा निर्वाचित भएकी छिन ।
देवकोटाको जन्मदिनमा उनलाई उपहारस्वरुप सम्मान समेत गरिएको छ । देवकोटालाई सम्मान गर्दै न्युनतम पारिश्रमिक निर्धारण समितिका सदस्य बिमला पाण्डेले अपांगताको क्षेत्र पनि मानवअधिकारको महत्वपूर्ण विषय भएको बताउँदै सधै उनीहरुको साथमा रहने बताईन । पाण्डेले अपांगता भएका व्यक्तिहरुलाई साथ र सम्मान दिएर समाजमा अगाडी बढ्न सहयोग गर्नुपर्ने बताईन ।
कार्यक्रममा नवज्योति बहिरा विद्यालयका प्रधानाध्यापक विजय लामाले अपांगता भएका व्यक्तिहरु र संस्थाहरुले साझा आवाज उठाउन आवश्यक रहेको बताए ।
कार्यक्रममा सम्मानित भएकी देवकोटाले अपांगता भएका व्यक्तिका लागि काम गर्न सबैको साथ र सहयोग आवश्यक रहेको बताईन ।
