सिन्धुली । नेकपा एमाले सिन्धुलीले जिल्ला कमिटीका पदाधिकारीहरुको बैठकले जिल्ला कमिटीका पदाधिकारी तथा सदस्यहरुको कार्य विभाजन गरेको छ । यहि चैत ४ गते बसेको बैठकले कार्य विभाजन गरेको नेकपा एमालेका सचिव नारायण बरालले जानकारी दिएका छन । उनका अनुसार बैठकले विभागिय जिम्मेवारी, भुगोलको जिम्मेवारी तथा जनवर्गिय संगठनहरुको जिम्मेवारी टुंगो लगाएको छ ।
तोकिएको जिम्मेवारी अनुसार पार्टी स्कुल विभागको प्रमुखको जिम्मेवारी पार्टी जिल्ला अध्यक्ष कुमार बहादुर कार्कीले लिएका छन । संगठन विभाग र निर्वाचन विभागको प्रमुखको जिम्मेवारी सचिव नारायण बराल, स्थानीय विभाग प्रमुख पार्वती सुनुवार, प्रचार विभाग प्रमुख संजय दाहाल, सहकारी गरिवी निवारण विभाग प्रमुख खेटराज अधिकारी, वित्त तथा कोष व्यवस्थापन विभाग प्रमुख अशोक श्रेष्ठलाई जिम्मेवारी दिईएको छ । यस्तै जनसंगठन समन्वय प्रमुखको जिम्मेवारी उपाध्यक्ष कर्ण घिसिङलाई दिईएको छ ।
यस्तै पदाधिकारी बैठकले जनसंगठनहरुको इन्चार्ज सहइन्चार्जको जिम्मेवारी पनि तोकेको छ । जसमा प्रेस चौतारी नेपालको इन्चार्ज द्घारिका काफ्ले, मानवअधिकार एलाईन्सको इन्चार्ज बिमला पाण्डे, अनेरास्ववियुको इन्चार्ज ललित श्रेष्ठ, राष्ट्रिय युवा संघको इन्चार्ज देवराज वाईवा, अखिल नेपाल किसान महासंघको इन्चार्ज गोविन्द लुंगेली, अनेमसंघको इन्चार्ज रश्मिला देवकोटा, पेशागत महासंघको इन्चार्ज टिका बहहादुर देवकोटा, नेपाल लोकतान्त्रिक आदीवासी जनजाती महासंघको इन्चार्ज कमल बहादुर खपांगी, उत्पीडित जातीय मुक्ति समाजको इन्चार्ज केशर नेपाली, नेपाल भूमिहिन सुकुम्बासी संगठनको इन्चार्ज नवराज थिङ, नेपाल खेलकुद महासंघको इन्चार्ज विजय मुनाल घिसिङलाई तोकेको छ ।
यस्तै बैठकले नेपाल भूतपूर्व सैनिक तथा प्रहरी संगठनको इन्चार्ज केदार प्रसाद देवकोटा, नेपाल उद्योग व्यवसायी महासंघको इन्चार्ज अमृत श्रेष्ठ, नेपाल बुद्धिजीवि परिषदको इन्चार्ज केशव प्रसाद पहाडी, रिटर्नी फेडेरेसनको इन्चार्ज सागर कार्की, लोकतान्त्रिक राष्ट्रिय अपांग संगठनको इन्चार्ज गोकर्ण भुजेललाई तोकेको छ । बैठकले तीनवटा जनवर्गिय संगठनको इन्चार्ज तथा सहइन्चार्ज तोक्न सकेको छैन ।
यस्तै संघिय निर्वाचन क्षेत्र नं. १ को इन्चार्जको जिम्मेवारी उपसचिव मञ्जु देवकोटा, संघिय निर्वाचन क्षेत्र नं. २ को इन्चार्जको जिम्मेवारी उपसचिव रश्मिला देवकोटालाई दिईएको छ ।
यस्तै प्रदेश निर्वाचन क्षेत्र नं. १ (क) मा नारायण अधिकारी, प्रदेश निर्वाचन क्षेत्र नं. १ (ख) मा केशव प्रसाद पहाडी, प्रदेश निर्वाचन क्षेत्र नं. २ (क)मा रमा शर्मा र प्रदेश निर्वाचन क्षेत्र नं. २ (ख) मा हरि स्याङतानलाई इन्चार्जको जिम्मेवारी तोकिएको छ ।
यस्तै बैठकले जिल्लाका नौ वटै स्थानीय तहका लागि इन्चार्ज सहइन्चार्ज तोकेर जिम्मेवारी दिइएको बरालले बताए । उनका अनुसार कमलामाई नगरपालिकामा हरि अधिकारी, दुधौली नगरपालिकामा कुमार शर्मा, तिनपाटन गाउँपालिकामा टुक्त बहादुर पुलामी, फिक्कल गाउँपालिकामा खड्ग बहादुर रजन मगर, गोलञ्जोरमा शंकर बराल, सुनकोशीमा उद्धव कोइराला, घ्याङलेखमा चतुरमान लो, मरिणमा सर्मिला माझी, हरिहरपुरगढीमा चमारसिंह घलानले इन्चार्जको जिम्मेवारी दिएको छ ।
निर्वाचन क्षेत्रमा सहइन्चार्ज, संयोजक, सहसंयोजक र सचिवहरु समेत चयन गरिएको छ भने पालिका स्तरका भूगोलमा सहइन्चार्जहरु समेत तोकिएको छ । खाली रहेका केहि पद अर्को बैठकबाट पूर्ति गरिने सचिव बरालले जानकारी दिए ।
