सिन्धुली । पछिल्लो समय बाग्मति प्रदेश सदस्य विनोदकुमार खड्का दिनभर योजना अनुगमनमा व्यस्त हुन्छन । आफ्नो निर्वाचन क्षेत्रमा सांसद विकास कोषको बजेटबाट निर्माण भईरहेका योजनाहरुको अनुगमन गर्न उनी व्यस्त देखिन्छन ।
निर्वाचन क्षेत्र नं. २ को क को कमलामाई नगरपालिका, सुनकोशी गाउँपालिकामा बाग्मति प्रदेशबाट निर्माण भईरहेका विकासका योजनामा उनी पुगिरहेका हुन्छ । काम कसरी भएको छ ? स्थानीय उपभोक्ता खुशी छन की छैनन लगाएतका विषयमा छलफल गरिरहेका हुन्छन ।
अनुगमनमा काम उपयुक्त ढंगले भएको छ की छैन ? बजेट सहि सदुपयोग भएको छ की छैन ? गुणस्तरीय काम भएको छ की छैन भन्ने बुझ्न पनि उनी योजना निर्माण स्थलमा जाने गरेका छन ।
अनुगमनसँगै उनले स्थानीय जनताको आवश्यकता र मागका बारेमा समेत छलफल गर्ने गरेका छन ।
समस्या पहिचान गर्नु र समस्याको सम्बोधनका लागि पहल गर्नु जनप्रतिनिधिको दायित्व भएकाले त्यसो गरिरहेको उनले बताएका छन । उनका अनुसार गत वर्षहरुमा पनि अनुगमन गरिने गरेको र यस वर्ष अझ त्यसलाई तिव्रता दिईएको बताए ।
सोहि क्रममा शुक्रबार खड्काले कमलामाई नगरपालिकाको वडा नं. ७, ११ र १२ को भ्याकुरे हुँदै गोलन्जोर गाउँपालिकाको सात दोबाटोसम्मको सडक, कमलामाई नगरपालिका १२ भ्याकुरे मा निर्माण कार्य भईरहेको १५ लाखको सिचाइ कुलो, मा.वि टंसारमा विद्यालय कम्पाउन्ट घेराबेरा लगाएतका योजनाहरुको अनुगमन गरेका छन ।
दैनिक जसो जनताको घरदैलोमा पुग्ने खड्काले जनताको दुःख सुखमा साथ दिनु जनप्रतिनिधिको दायित्व भएको समेत बताए । उनले योजना परेका ठाउँमा बजेटको सहि सदुपयोग गराउनु पनि दायित्व भएकाले अनुगमनलाई तिव्रता दिएको बताए ।
