सिन्धुली । मंगलबार जिल्लाका २१ जनामा कोरोना संक्रमण देखिएको छ । दोस्रो चरणमा देखिएको संक्रमणमा यो संख्या हालसम्मको धेरै हो । दोस्रो चरणमा जिल्लामा ३८ जनामा संक्रमण देखिएको सिन्धुली अस्पतालले जनाएको छ ।
मंगलबार देखिएको संक्रमणमा ११ महिनाको बच्चा सहित चारजना बालबालिकामा संक्रमण देखिएको छ । मंगलबार ३१ जनाको परिक्षण गरिएकोमा २१ जनामा संक्रमण देखिएको सिन्धुली अस्पतालका कोभिड–१९ फोकलपर्सन डा. सागर देवकोटाले जनाएका छन । यो लगभग ६८ प्रतिशत संक्रमण हो ।
कमलामाई ६ स्थित शिबनगरमा रहेको कोरोना परिक्षण ल्याबमा परीक्षण गर्दा तीनपाटन गाँउपालिका ५ का ६८ बर्षिय पुरुष, कनपा ४ का १५ बर्षिया बालिका, कनपा ५ का ५५ बर्षिय पुरुष, सर्लाही ईश्वरपुर १२ का ११ महिनाको बालक, कनपा ८ निवासी २२ बर्षिय पुरुष र कनपा ४ कै ५१ बर्षिय पुरुष छन ।
यस्तै कोरोना संक्रमित नयाँ बिरामीमा कनपा ३ का १ बर्षिय बालिका, कनपा ७ निवासी २ बर्षका बालिका समेत परेका छन । कनपा ६ का ६८ बर्षिय महिला, २६ बर्षिया महिला, २४ बर्षिया महिला छन । यस्तै सिन्धुलीको रानीबास निवासी ४६ बर्षिया महिला र ४८ बर्षिया पुरुष समेत रहेको डा. देवकोटाले जानकारी दिए ।
परिक्षण गरिएका मध्ये ५ जनाको रिपोर्ट शंकास्पद देखिएकाले पुनः परिक्षण गर्नुपर्ने भएको अस्पतालले जनाएको छ ।
