सिन्धुली । कल्पना बस्नेतलाई हत्या प्रयास गर्ने अभियुक्तलाई पक्राउको माग गर्दै सिन्धुलीका स्थानीयले नारावाजी गरेका छन । कमलामाई नगरपालिका वडा नं. ६ की कल्पना बस्नेतलाई मार्नका लागि कन्ट्रयाक किलरको सहायतामा परिवार भित्रका सदस्य नै लागेको भन्दै पक्राउ पूर्जि जारी भएका अभियुक्त प्रहरी कै निगरानीबाट भागेको भन्दै पक्राउको माग गरिएको हो ।
सिन्धुलीमाढीमा स्थानीयले नागरिकको सुरक्षा गर्न बसेको प्रहरीले तीन दिन घेरामा राखेका अभियुक्त फरार बनाएको आरोप लगाएका छन । कल्पना हत्या प्रयासका आरोपितलाई काठमान्डौ जिल्ला अदालतले पक्राउ पूर्जि जारी गरेको थियो । सिन्धुलीमा रहेका अभियुक्तलाई पक्राउ गर्न सिन्धुलीको प्रहरीले आनाकानी गरेको पीडित पक्षको आरोप छ ।
यसैबीच स्थानीयले कल्पना बस्नेतलाई हत्याको प्रयास गर्ने व्यक्तिहरुलाई प्रहरीको निगरानीमै रहदा भागेको र प्रहरीले पक्राउ नगरेको भन्दै जिल्ला प्रशासन कार्यालय सिन्धुलीमार्फत गृह मन्त्रालयको ध्यानाकर्षण गराउँदै ज्ञापन पत्र बुझाएका छन । उनीहरुले नागरिकको बाँच्न पाउने अधिकार सुनिश्चित गर्दै पीडितको सुरक्षा गर्न समेत माग गरेका छन । ७६ जना नागरिकको हस्ताक्षर सहित कल्पना बस्नेतलाई हत्याको प्रयास गर्ने व्यक्तिहरु र त्यसका डिजाईनरहरुलाई पक्राउ गरि अनुसन्धान गर्न माग समेत गरिएको छ । उनीहरुले प्रमुख जिल्ला अधिकारी मार्फत गृह मन्त्रालयलाई ज्ञापन पत्र बुझाएका हुन ।
कल्पना बस्नेतले काठमान्डौको महानगरीय प्रहरी बौद्धमा मुद्दा दर्ता गरेकी छिन । उक्त घटनाका अभियुक्त ४ जना पक्राउ परेका छन भने ९ जना अभियुक्त सिन्धुलीमा रहेका र उनीहरु प्रहरीको निगरानीबाट भागेका छन ।
परिवारका सदस्यले ४० लाखमा कन्ट्रयाक किलर लगाई मार्ने प्रयास गरेको अडियो समेत सार्वजनिक भएको पीडितले बताएकी छिन । उनले ¥याली पछिको सभामा उक्त अडियो समेत सार्वजनिक गरेकी छिन ।
कल्पना बस्नेत र उनका श्रीमानले आफ्नी आमासँग अंश मुद्दा लडि अंश लिएका छन । उच्च अदालतले अंश दिलाएपछि परिवारका अन्य सदस्यले सर्वोच्चमा मुद्दा हालेका छन ।
