सिन्धुली । स्वतन्त्र युवाका नाममा नेपाली कांग्रेस निकटका जिल्ला नेताहरुले नै सरकार विरुद्धको आन्दोलनको नेतृत्व गरेका छन । नेपाली कांग्रेस सिन्धुलीका सचिवद्वय दिपक घिमिरे, कृष्ण दाहाल, महासमिति सदस्यहरु माणिक ढकाल, प्रेमचन्द्र दाहाल, पूर्व पदाधिकारीहरु चिरञ्जीवि ढकाल, दिनेश अधिकारी, उपेन्द्र पोखरेल लगाएतले सरकार विरोधी आन्दोलनको नेतृत्व गरेका हुन ।
त्यस्तै नेविसंघका जिल्ला अध्यक्ष उत्पल खड्का, नेविसंघका नेताहरु सुरज मिश्र, इश्वर बस्नेत, नेपाल शिक्षक संघका जिल्ला नेता सुमन कोइराला, नेपाल टे«ड युनियन कांग्रेसका जिल्ला सभापति श्यामहरि अधिकारी लगाएतले लोकतान्त्रिक चोकमा शनिबार सरकार विरुद्ध प्रदर्शन गरे ।
स्वतन्त्र युवाको आन्दोलन भनि नेपाली कांग्रेका नेताहरुले ‘इनअफ इज इनअफ’ को नाममा उक्त प्रदर्शन गरेका थिए । आन्दोलनमा सहभागि सबै नेपाली कांग्रेसका जिल्ला नेता तथा भातृ संगठनहरुका नेता तथा कार्यकर्ताहरु रहेका थिए तर पार्टीको झण्डा भने प्रयोग गरेका थिएनन । सबैले विभिन्न माग सहितका प्लेकार्ड बोकेका थिए ।
उनीहरुले सरकारले कोरोना संक्रमणमा गरेको खर्च विवरण सार्वजनिक गर्नुपर्ने, शत प्रतिशत नेपालीको पिसिआर विधिबाट कोरोना संक्रमण परिक्षण गर्नुपर्ने, आरडिटी परिक्षणलाई बन्द गरिनु पर्ने लगाएतका माग राखेर प्रदर्शन गरेका थिए ।
पछिल्लो समयमा नेपालमा कोरोना संक्रमितको संख्या बढ्दै गएको भन्दै सरकारको कार्यशैलीप्रति पनि उनीहरुले असन्तुष्टि जनाएका छन् । उनीहरुले कोरोना संक्रमण नियन्त्रणका लागि सरकारले गरेको खर्च सार्वजनिक गर्न समेत माग गरेका थिए । तथापी आन्दोलन अगाडि नै सरकारले कोरोना संक्रमण नियन्त्रणमा गरेको खर्च सार्वजनिक गरिसकेको थियो ।
