सिन्धुली । बालिका र किशोरीहरुले दिनहँु भोगिरहेका समस्या र मुद्दालाई बालिका तथा किशोरीहरुले नै कलामा उतारेका छन । उनीहरुले तीनदिनसम्म कला कार्याशालामा बनाएका कलालाई कनपा ९ को भिमानमा प्रदर्शन गरेका हुन । प्लान इन्टरनेशनल नेपाल र सिद्धार्थ आर्ट फाउन्डेसनको आयोजनामा भएको कला कार्यशालामा सहभागी ५१ जना बालिका र किशोरीहरुले आफ्नो समस्या र मुद्दालाई कलाका माध्यमबाट पनिर्माण गरि प्रदर्शन गरेका हुन ।
किशोरी र बालिकाहरुको ‘शक्ति, प्रतिनिधित्व र स्वतन्त्रता’लाई कलामा खोज्नका लागि तीन दिने कार्यशाला गरिएको र सोहि कलालाई मंगलबार प्रदर्शनी गरिएको हो ।
कमलामाई नगरपालिकाका ४ वटा वडाका ११ वर्षदेखि १८ वर्ष उमेर समूहका किशोरी तथा बालिकालाई कार्यशालामा सहभागि गराइएको थियो । जसमा ३ वटा विद्यालय र एक समुदायका बालिकाहरुले सहभागिता जनाएका थिए । उनीहरुल्े सृजना गरेका चित्रकला, संगित र साहित्यबाट किशोरी र बालिकाको आवाजलाई प्रतिनिधित्व गरेका छन ।
प्रदर्शनीमा स्थानीय तहका जनप्रतिनिधि, जिल्ला समन्वय समितिका प्रतिनिधि, नागरिक संघसंस्थाका प्रतिनिधि, अभिभावक, शिक्षक, विद्यार्थी लगायत करिव साढे तीनसय जनाले अवलोकन गरे्का थिए । अवलोकनको संयोजन कमलामाई नगरपालिका वडा नं ९ का वडाध्यक्ष देवराज पौडेलले गरेका थिए । उक्त कला अवलोकनमा जिल्ला प्रहरी कार्यालयका प्रहरी उपरिक्षक चक्रबहादुर सिंह, जिल्ला समन्वय समिति सदस्य गंगा कार्की, वडा नं. ८ का अध्यक्ष टीका मोक्तान, वडा नं १० का अध्यक्ष रामहरि ढुंगेल र जनजागृति क्याम्पसका प्रमुख चित्रकुमार श्रेष्ठ लगाएतको सहभागिता रहेको थियो ।
सहभागी बालिकाहरुलाई वडाध्यक्षहरु तथा जिल्ला समन्वय समिति सदस्यबाट प्रशंसापत्र वितरण गरिएको थियो । प्लान नेपालका क्षेत्रीय प्रवन्धक रामवहादुर श्रेष्ठले घरेलु हिंसा, दुव्र्यवहार, विभेदलाई चित्रण गर्दै तयार पारेको कलाको माध्यमबाट समाजका सबै पक्षलाई सुसूचित गराउने तथा बालिकाहरुको आत्मा विश्वास बढाउने उद्देश्यले कला कार्यशाला र प्रदर्शनी गरिएको बताए ।
आर्ट इज पावर (कला नै शक्ति हो) नाम दिइएको यो कार्यशाला बा“के, जुम्ला, मकवानपुर, सिन्धुली र सुनसरीमा आयोजना भएका छन् । सबै जिल्लामा कार्यशाला गरी जिल्ला स्तरमा प्रदर्शनी पश्चात् सेप्टेम्वर २२ देखि सेप्टेम्वर २८ सम्म काठमाडौंमा राष्ट्रिय स्तरको प्रदर्शनी गरिने श्रेष्ठले बताए ।
राष्ट्रिय स्तरको प्रदर्शनीमा सरकारका विभिन्न तहका प्रतिनिधि, आम सर्वसाधारण, किशोरकिशोरी, विद्यार्थी, संघसंस्था, दातृ निकाय र काठमाडौंस्थित दूतावासका प्रतिनिधि लगायतको सहभागिता रहनेछ । विश्वव्यापी अभियान गल्र्स गेट इक्वेल अन्तर्गत गरिएको यस कार्यक्रमबाट बालिका र किशोरीहरुलाई समान प्रतिनिधित्व गराउन समाजका सबै निकायको ध्यानाकर्षण गराउने अपेक्षा गरिएको छ ।
