बिमला पाण्डे
सिन्धुली । सिन्धुली उद्योग वाणिज्य संघ सिन्धुलीको आगामी जेठ ४ गते हुने निर्वाचनका लागि दश जना महिलाको उमेदवारी परेको छ । २० वटा पदका लागि हुने निर्वाचनमा दुई महिलाले खुला तथा मुख्य पदमा उमेदवारी दर्ता गराएका छन भने बाँकी ८ जनाले आरक्षित महिला सदस्य पदमा मात्र उमेदवारी दिएका छन ।
बैशाख २७ गते सिन्धुलीमाढीमा भएको उमेदवारी दर्तामा २६ जना पुरुषको उमेदवारी परेको छ । यसरी हेर्दा महिलाको उमेदवारी लगभग २८ प्रतिशत हुन आउँछ ।
लोकतान्त्रिक धार र प्रगतिशिल धारका रुपमा उमेदवारी दिएका दुई प्यानलमध्ये लोकतान्त्रिक धारबाट उद्योग उपाध्यक्षमा राजमाया रायमाझी र प्रगतिशिल धारको प्यानलबाट उपमहासचिवमा मेनुका तिमल्सिनाको उमेदवारी परेको छ ।
महिला सदस्यमा बिमला काफ्ले, कुमारी गौरी श्रेष्ठ, ललिमाया श्रेष्ठ, फुलकुमारी घिसिङ, राधा खड्का, भवानी कार्की, रेणुका कडेरिया, सरिता उपाध्यायको उमेदवारी परेको छ ।
शाखा उपाध्यक्ष निर्विरोध
यसैबीच शाखा उपाध्यक्षमा आनन्द कार्कीको मात्र उमेदवारी परेको छ । उनी शाखा उपाध्यक्षमा निर्विरोध निर्वाचित भएको निर्वाचन समितिले जानकारी दिएको छ । निर्वाचित भएको घोषणा भने निर्वाचित गर्न सकेको छैन । दावेदारी देखिएको छ ।
अध्यक्षमा बैदार र कार्कीको प्रतिस्पर्धा
उद्योग वाणिज्य संघ सिन्धुलीको आगामी निर्वाचनमा बद्री बहादुर कार्की र अमरेश चन्द्र वैदारको प्रतिस्पर्धा हुने भएको छ । निवर्तमान अध्यक्ष विनेश कुमार श्रेष्ठको उमेदवारी फिर्ता भए पछि कार्की र बैदारको प्रतिस्पर्धा हुने भएको हो । लोकतान्त्रिक धारको नेतृत्व बैदारले गरेका छन भने प्रगतिशिल धारको नेतृत्व कार्कीले गरेका छन । उनीहरुले आफ्ना घोषणापत्र समेत तयार गरि प्रचारप्रसारलाई तिव्रता दिएका छन ।
