सिन्धुली । जिल्लाको सुनकोशी गाउपालिकामा किसानका उत्पादनलाई बजारीकरण गर्नका लागि कृषि उपज संकलन केन्द्रको निर्माण गरिएको छ । किसानले उत्पादन गरेको कृषि उपजहरु सोझै खरिद गरी बजारसम्म पु¥याउने उद्देश्य सहित सुनकोशी गाउँपालिकाले उक्त संकलन केन्द्रको भवन निर्माण गरेको हो ।
गाउपालिकाले दुईवटा संस्थासँगको साझेदारीमा सुनकोशी कृषि उपज संकलन केन्द्रको निर्माण गरेको हो । जसको लागत २६ लाख ९ हजार रहेको छ । सुनकोशी गाउपालिकाको १४ लाख ५१ हजार, सामुदायिक विकास कार्यक्रम सिन्धुली र मर्सिकोर नेपालको ११ लाख लगानी रहेको छ ।
किसानले उत्पादन गरेको तरकारी, फलफुल, अन्नबाली लगाएतका सम्पूृर्ण कृषि उपज संकलनका लागी गाउपालिकाले भवन निर्माण गरी सुनकोशी कृषि उपज संकलन केन्द्र स्थापना गरिएको सुनकोशी गाउँपालिकाका प्रमुख प्रशासकिय अधिकृत विकास सुन्दासले बताए ।
उनका अनुसार कृषि उपज संकलन केन्द्र संचालनका लागी गाउँपालिकाले संकलन केन्द्र संचालन कार्यविधि निर्माण गरेको छ । ‘संकलन केन्द्रलाई सहकारीको मोडेलमा संचालन गर्ने गरी कार्यविधि निर्माण भएको छ ।
उत्पादित फलफुल, तरकारी, अन्नबाली लगाएतका कृषि उपज विक्री वितरणका लागी किसानले बजार खोज्दै हिड्नुपर्ने बाध्यतालाई अन्त्य गर्न संकलन केन्द्र निर्माण गरिएको गाउपालिकाका अध्यक्ष दिपा बोहोरा दाहालले बताईन ।
सुनकोशीको महाभारत क्षेत्र तरकारी र फलफुल उत्पादनको हिसावले उर्बरभुमि मानिन्छ । सुनकोशीको चिसो हावा पानी भएको महाभारत क्षेत्रमा रहेका नागी, चालिसे, बन्दिपुर लगाएतका ठाँउमा तरकारी र फलफुल प्रशस्तै उत्पादन हुने गर्छ ।
