सिन्धुली/क्रियाशिल पत्रकार महिला (डब्लुडब्लुेजे) का केन्द्रीय अध्यक्ष अमिका राजथलाले महिला पत्रकारहरुको नेतृत्व र सम्पादकीय भूमिकामा अर्थपूर्ण सहभागिता आवश्यक रहेको बताएकी छिन । बुधबार सिन्धुलीमाढीमा भएको क्रियाशिल पत्रकार महिला डब्लुडब्लुजे सिन्धुलीको नवौं साधारणसभा तथा छैटौं अधिवेशनको उद्घाटन कार्यक्रममा प्रमुख अतिथिका रुपमा बोल्दै उनले महिला पत्रकारहरुको नेतृत्व तहमा उल्लेख्य सहभागिता आवश्यक रहेको बताएकी छिन । 
अध्यक्ष राजथलाले डब्लुडब्लुजेले महिलाको संख्या वृद्धि, क्षमता अभिवृद्धि र नेतृत्व स्थापितका लागि काम गरिहेको बताउँदै महिला पत्रकारलाई पेशामा टिकाई राख्न मिडिया हाउस, सञ्चारसंस्थाको पनि उत्तिकै महत्वपूर्ण भूमिका रहने बताईन । उनले क्षमता भएका महिलाहरुलाई पनि नेतृत्व दिन विश्वास नगरिएको बताउँदै पत्रकारितामा न्युनतम राज्यले तोकेको ३३ प्रतिशत सहभागिता पु¥याउन समेत 
कठिन भईरहेको बताईन ।
कार्यक्रममा बोल्दै जिल्ला समन्वय समितिका उपप्रमुख सम्झना अधिकारीले महिला पत्रकारहरुलाई सक्दो सहयोग गर्न समन्वय समिति तयार रहेको बताईन । यस्तै कमलामाई नगरपालिकाका उपपमुख मञ्जु देवकोटाले महिला पत्रकारहरुको विकासका लागि नगरपालिकाले सहयोग गर्ने प्रतिवद्धता व्यक्त गरिन । उनले योजना बनाएर नगरपालिकामा आउन पनि महिला पत्रकारलाई अनुरोध गरिन ।
डब्लुडब्लुजे सिन्धुलीका अध्यक्ष सुजता लामाको अध्यक्षतामा भएको कार्यक्रममा अकोरावका प्रदेश ३ का अध्यक्ष कृष्णहरि घिमिरे, नेपाल पत्रकार महासंघ सिन्धुलीका उपाध्यक्ष टिकाजंग थापा, डब्लुडब्लुजे सिन्धुलीका संस्थापक अध्यक्ष बिमला पाण्डेले शुभकामना मन्तव्य व्यक्त गरेका थिए । कार्यक्रममा संस्थाको स्थापना र महिला पत्रकारहरुको नेतृत्व विकासमा सहयोग गरेको भन्दै संस्थापक अध्यक्ष बिमला पाण्डेलाई सम्मान गरिएको छ भने संस्थाका गतिविधि सञ्चालनमा सहयोग गरेको भन्दै ओरेक नेपाल सिन्धुलीलाई प्रशंसापत्र प्रदान गरिएको छ ।
उद्घाटन सत्रमा संस्थाको आर्थिक तथा प्रगति प्रतिवेदन संस्थाका सहसचिव राधिका बुढाथोकीले प्रस्तुत गरेकी थिइन भने उपाध्यक्ष रुकु पोखरेलले स्वागत गरेकी थिईन ।
डब्लुडब्जुजेको अध्यक्षमा कृञ्जला पुलामी
क्रियाशिल पत्रकार महिला सिन्धुलीको अध्यक्षमा कृञ्जला पुलामी चयन भएकी छिन । संस्थाको नवौ साधारणसभा तथा छैठौ अधिवेशनले कृञ्जला पुलामीको अध्यक्षतामा ९ सदस्यी कार्यसमित चयन भएको हो ।
जसको उपाध्यक्षमा सरला सुनुवार, सचिवमा राधिका बुढाथोकी, सहसचिवमा उर्मिला भट्टराई, कोषाध्यक्षमा सम्झना श्रेष्ठ चयन भएका छन भने सदस्यहरुमा संगिता दिम्दोङ, देविका मगर, सन्ध्या देवकोटा, सर्मिला खड्का र विशेष सदस्यमा सुजता लामा चयन भएका छन ।
