सिन्धुली । सिन्धुलीमा नै दुई दिन कर संकलन हुने भएको छ । उद्योग बाणिज्य संघ सिन्धुलीको पहलमा दुई दिन कर संकलन तथा कर सम्बन्धि काम हुनु थालेको हो । यहि भदौ १० र ११ गते सिन्धुलीमा आन्तरिक राजस्व कार्यालय बर्दिबासबाट आएको टोलीले कर संकलन गर्ने सिन्धुली उद्योग बाणिज्य संघ सिन्धुलीका अमरेशचन्द्र बैदारले जानकारी दिए ।
सिन्धुलीदेखी बर्दिबाससम्म जाँदा व्यवसायिहरुले अनावश्यक झमेला खेप्ने पर्ने भएकाले व्यवसायिको हितकालागि जिल्लामा नै कर संकलन गर्ने व्यवस्था मिलाईएको उनले बताए ।
कर संकलन तथा कर सम्बन्धी सम्पूर्ण काम गर्नका लागि कर्मचारी टोली आउने भएकाले उद्योगबाणिज्य संघ सिन्धुलीका सदस्य, उद्योगी, व्यापारी महानुभावहरुलाई सहभागि भई कर सम्बन्धि सेवा लिनहुन उनले आग्रह गरे ।
आयकर अर्थात पानमा दर्ता भई व्यवसायिक कारोवार संचालन गर्दै आएका उद्योगी, व्यवसायीहरुका लागि उद्योग वाणिज्य संघ सिन्धुलीको पहलमा आन्तरिक राजस्व बर्दिबासको सहयोगमा २ दिने कर संकलन केन्द्र राखिने उनले बताए । सिन्धुलीका व्यसायीले सिन्धुलीमाढीमा नै आफनो कर रकम बुझाउने सुविधा पाउने र व्यवसायीहरुलाई सहज गराउनको लागि संकलन केन्द्रमा दुई दिन सञ्चालन हुने उनले जनाए ।
