सिन्धुली । दुधौली नगरपालिका वडा नं. ६ हर्षाहीमा शुक्रबार निःशुल्क आँखा जाँच शिविर सम्पन्न भएको छ । नेपाल रेडक्रस सोसाईटी सामुदायिक आँखा उपचार केन्द्र सिन्धुलीको आयोजना तथा नेपाल रेडक्रस सोसाईटी हर्षाही उपशाखाको संयोजन तथा व्यवस्थापन सम्पन्न शिविरमा २३१ जना विरामीको आँखा जाँच तथा औषधि वितरण गरिएको छ ।
Advertisement. Scroll to continue reading.
उक्त शिविरबाट ३३ जना मोतिविन्दु भएका विरामीको छनौट समेत गरिएको छ । तिलगंगा आँखा प्रतिष्ठान काठमान्डौ, द फ्रेड हलोज फाउन्डेसन र अस्ट्रेलियन एड, जानकी आँखा अस्पताल जनकपुरको सहयोगमा उक्त शिविर सञ्चालन गरिएको नेपाल रेडक्रस सोसाईटी सिन्धुलीका सभापति अशोक श्रेष्ठले जानकारी दिएका छन् ।
फेसबुक मार्फत प्रतिकिया दिनुहोला
