सिन्धुली । कमलामाई नगरपालिकाको भिमानमा सञ्चालित भिमान फुटवल कपको उपाधि चाँदनी युवा क्लब धनुषा चुरेले हात पारेको छ । विहिबार सम्पन्न फाईनल खेलमा चाँदनी युवा क्लबले केएफसी खजुरिया महोतरीको टिमलाई १–० गोल अन्तरले पराजित गर्दै उपाधि हात पारेको हो ।
भिमान युवा क्लव भिमानको आयोजना तथा पन्नेसी सामुदायिक वन उपभोक्ता समूहको सहयोगमा आयोजित फुटवल प्रतियागितामा १३ वटा टिमको सहभागिता रहेको थियो ।
प्रतियोगितामा उत्कृष्ट खेलाडी कृष्ट भण्डारी, उत्कृष्ट गोल रक्षक सुशान्त तामाङ, उत्कृष्ट गोलकर्ता प्रणेश कुँवर र म्यान अफ द म्याच रवि महतरा घोषित भएका छन् । पुस १९ गतेदेखि पुस २४ गतेसम्म खेल सञ्चालन भएको थियो ।
खेलमा उत्कृष्ट खेलाडी तथा टिमलाई एक समारोहका बीच कमलामाई नगरपालिकाका प्रमुख उपेन्द्रकुमार पोखरेल, उपमेयर मञ्जु देवकोटाले पुरस्कार, मेडल तथा शिल्ड प्रदान गरेका थिए ।
भिमान युवा क्लबका अध्यक्ष रविन्द्र माझीको अध्यक्षतामा भएको समापन समारोहमा जिल्ला वन कार्यालय सिन्धुलीका प्रमुख रामकुमार भण्डारी, कमलामाई नगरपालिका वडा नं. ९ का अध्यक्ष विनोद प्रधान लगाएतको सहभागिता रहेको थियो ।
