सिन्धुली / तीनपाटन गाउँपालिकामा जिल्लाकै सबैभन्दा धेरै अदुवा उत्पादन भएको छ । कृषि विकास कार्यालय सिन्धुलीका अनुसार आर्थिक वर्ष २०८०÷०८१ र २०८१÷८२ मा दुवै वर्ष तीनपाटन गाउँपालिकामा धेरै अदुवा उत्पादन भएको हो ।
जिल्लाको स्थानीय तहगत विवरण अनुसार तीनपाटन गाउँपालिकामा आर्थिक वर्ष २०८१÷८२ मा ३ सय ११ क्षेत्रफलमा अदुवा खेती गरिएकोमा ४ हजार २ सय १२ मेट्रिक टन उत्पादन भएको कृषि विकास कार्यालय सिन्धुलीका कृषि प्रसार अधिकृत उमादेवी श्रेष्ठले जानकारी दिएकी छिन् ।
त्यस्तै दुधौली नगरपालिकामा १ सय ६१ क्षेत्रफलमा अदुवा लगााएकोमा २ हजार १ सय ३२ मेट्रिक टन उत्पादन भएको र कमलामाई नगरपालिकामा १ सय १६ क्षेत्रफलमा अदुवा लगााएकोमा १ हजार २ सय ४० मेट्रिक टन उत्पादन भएको श्रेष्ठले बताइन् ।
त्यसैगरि जिल्लाको हरिहरपुरगढी गाउँपालिकामा ३५ हेक्टर क्षेत्रफलमा अदुवा लगााएकोमा ४ सय ६४ मेट्रिक टन, फिक्कल गाउँपालिकामा ४५ हेक्टर क्षेत्रफलमा ५ सय २६ मेट्रिक टन, गोलन्जोर गाउँपालिकामा ४५ हेक्टर क्षेत्रफलमा ५ सय ९६ मेट्रिक टन, मरिण गाउँपालिमा १२ हेक्टर क्षेत्रफलमा १ सय ३२, घ्याङ्लेख गाउँपालिकामा ८ हेक्टर क्षेत्रफलमा ९० मेट्रिक टन र सुनकोशी गाउँपालिकाका ५ हेक्टर क्षेत्रफलमा ५५ मेट्रिक टन अदुवा उत्पादन भएको छ ।
त्यस्तै आर्थिक वर्ष २०८०/०८१ मा पनि तीनपाटन गाउँपालिकामा सबै भन्दा बढि अदुवा उत्पादन भएको छ । गाउँपालिकामा २ सय ९० हेक्टर क्षेत्रफलमा अदुवा लगााएकोमा ३ हजार ९ सय २५ मेट्रिक टन अदुवा उत्पादन भएको थियो । दुधौली नगरपालिकामा १ सय ४० हेक्टर क्षेत्रफलमा अदुवा लगााएकोमा १ हजार ८ सय ५३ मेट्रिक टन, कमलामाई नगरपालिकामा १०५ हेक्टर क्षेत्रफलमा १ हजार १ सय २३, हरिहरपुरगढी गाउँपालिकामा ३० हेक्टर क्षेत्रफलमा ३ सय ९८ मेट्रिक टन, फिक्कल गाउँपालिकामा ३० हेक्टर क्षेत्रफलमा ३ सय ५० मेट्रिक टन, गोलन्जोर गाउँपालिामा ५१ हेक्टर क्षेत्रफलमा ६ सय ७१ मेट्रिक टन, मरिण गाउँपालिमा १२ हेक्टर क्षेत्रफलमा १ सय ३२, घ्याङ्लेख गाउँपालिकामा २ हेक्टर क्षेत्रफलमा २१ मेट्रिक टन र सुनकोशी गाउँपालिकाका ५ हेक्टर क्षेत्रफलमा ५५ मेट्रिक टन अदुवा उत्पादन भएको छ ।
यसरी उत्पादनको तथ्याङ्क हेर्दा उत्पादनसगैँ विस्तारमा समेत उतार–चढाव देखिएको छ । केही स्थानीय तहमा उत्पादन बढेको भए पनि कतिपय स्थानमा घटेको तथ्यांकले देखाएको छ । जिल्लाको सुनकोशी, घ्याङलेख, फिक्कल, मरिण तथा हरिहरपुरगढी गाउँपालिकामा तुलनात्मक रूपमा उत्पादन कम रहेको कृषि विकास कार्यालयले जनाएको छ ।
कार्यालयका अनुसार आर्थिक वर्ष २०८०/०८१ मा ६ सय ६५ हेक्टर क्षेत्रफलमा खेती गरिएकोमा ८ हजार ५ सय २८ मेट्रिक टन उत्पादन भएको थियो भने आर्थिक वर्ष २०८१/८२ मा जिल्लाभर ७ सय ३८ हेक्टर क्षेत्रफलमा अदुवा खेती गरिएकोमा ९ हजार ४ सय ४७ मेट्रिक टन अदुवा उत्पादन भएको श्रेष्ठले बताईन ।
