सिन्धुली । सिन्धुली उद्योग वाणिज्य संघको फागुन २७ गते हुने निर्वाचनका लागि सोमबार उमेदवारी दर्ता भएको छ । अध्यक्ष पदका लागि दुई जनाको उमेदवारी परेको छ भने अधिकांश पदाधिकारीमा एकल उमेदवारी परेको छ । संघको २५ पदका लागि ३१ जनाको उम्मेदवारी परेको छ । १२ पदमा एकल उमेदवारी परेको छ भने तेह्र पदमा प्रतिस्पर्धा हुने भएको छ ।
संघको अध्यक्षमा वर्तमान अध्यक्ष अर्जुन श्रेष्ठ र जिल्लाका पुराना व्यवसायी राजकुमार श्रेष्ठको उमेदवारी परेको छ । वरिष्ठ उपाध्यक्ष, महासचिव, महिला सचिवमा दुई दुई जनाको उमेदवारी परेको छ भने उपमहासचिवमा ३ जनाको उमेदवारी परेको छ ।
संघको वरिष्ठ उपाध्यक्षमा विरवल चौधरी र देव नारायण श्रेष्ठ, वस्तुगत उपाध्यक्षमा रामकुमार राजभण्डारी र विजय कुमार बस्नेतको उमेदवारी परेको छ । यस्तै महासचिवमा मेघ बहादुर कार्की र बासु भेटवालको उमेदवारी परेको छ । उपमहासचिवमा नेत्र जंग थापा, सोनि कुमारी झा र युवराज श्रेष्ठको उम्मेदवारी परेको छ । महिला सचिवमा महिला सचिवमा सिर्जना श्रेष्ठ र रेजिना श्रेष्ठको उमेदवारी परेको छ ।
संघको आठ पदाधिकारीमा एकल उमेदवारी परेको छ । जसका कारण आठ पदाधिकारी निर्विरोध निर्वाचित भएका छन । उद्योग उपाध्यक्षमा रामभक्त श्रेष्ठ, वाणिज्य उपाध्यक्षमा नविन श्रेष्ठ, शाखा उपाध्यक्षमा नरेन्द्र कुमार कर्मचार्य, महिला उपाध्यक्षमा टिका कुमारी थापा, वाणिज्य सचिवमा गोविन्द खड्का, उद्योग सचिवमा प्रकाश काफ्ले, कोषाध्यक्षमा विष्णु कुमार श्रेष्ठ, सहकोषाध्यक्षमा लालमान तामाङको एकल उम्मेदवारी परेको हो । उनीहरु निर्विरोध निर्वाचित भएका छन ।
यस्तै आजिवन सदस्यमा दिगम्बर चौधरी, एशोसियट सदस्यमा शाह आलम साफी, महिला सदस्यमा ललिता न्यौपाने निर्विरोध निर्वाचित भएका छन ।
यस्तै अन्य पदाधिकारीहरु पनि उद्योग वाणिज्य संघको निर्वाचन अन्तर्गत फागुन २० गते १०ः३० देखि १२ बजेसम्म उम्मेदवारको बिरोधमा उजुरी दिने, १२ बजे देखि ३ बजेसम्म मनोनयन पत्र र उजुरी उपर जाँचबुझ गरि निर्णय गर्ने, ३ बजे देखि ३ः३० बजेसम्म उम्मेदवारको नामावली प्रकाशन गर्ने र २० गते ३ः३० बजे देखि फागुन २१ गते बिहान ११ बजे सम्म उम्मेदवारको नाम फिर्ता लिने तालिका रहेको छ ।
त्यस्तै २१ गते बिहान ११ बजेदेखि १२ बजेसम्म उम्मेदवारको अन्तिम नामावली प्रकाशन गर्ने, १२ बजे देखि ३ बजेसम्म उम्मेदवारको निर्वाचन चिन्ह् प्रकाशन गर्ने र २७ गते मतदान हुने निर्वाचन समितिले जनाएको छ ।
