सिन्धुली । ट्याक्टरको ठक्करबाट शनिबार सिन्धुलीमाढीमा पाँच वर्षिय बालिकाको मृत्यु भएको छ । कमलामाइ नगरपालिका वडा नं. ५ मधुटारमा ट्याक्टरले बाटो काट्दै गरेकी बालिकालाई ठक्कर दिएको थियो । मधुटार–सिलामे सडकखण्डमा ना५त९५१० नम्बरको ट्याक्टरले बालिकालाई ठक्कर दिएको थियो ।
ट्याक्टरको ठक्करबाट पाँच वर्षीया अरुणा श्रेष्ठ (निर्जला) को मृत्यु भएको जिल्ला प्रहरी कार्यालय सिन्धुलीले जनाएको छ ।
घर अगाडिबाट बाटो काट्ने क्रममा ट्याक्टरले ठक्कर दिएको थियो । ट्याक्टरको ठक्करबाट घाईते भएकी बालिकाको सिन्धुली अस्पतालमा उपचारका क्रममा मृत्यु भएको जिल्ला प्रहरी कार्यालय सिन्धुलीका प्रहरी निरिक्षक केशवकुमार कट्वालले जानकारी दिएका छन ।
मृतकको शव जिल्ला अस्पताल सिन्धुलीमा राखिएको छ । ट्याक्टर र ट्याक्टर चालक कमलामाई नगरपालिका वडा नं. ५ का गोपी वाइबालाई जिल्ला प्रहरी कार्यालय सिन्धुलीले नियन्त्रणमा लिएको जनाएको छ ।
