सिन्धुली । नेकपा एमालेका अध्यक्ष केपी ओलीले देशलाई समृद्ध बनाउने शक्ति एमालेसंग मात्र भएको बताएका छन । सिन्धुलीको दुधौलीमा सोमवार दिउँसो नेकपा एमालेको चुनावी सभालाई संबोधन गर्दै उनले सुखि नेपाली समृद्ध बनाउने सपना सकारपार्न सुर्य चिन्हमा मतदान गर्न अपिल गरे ।
यतिवेला स्वार्थको पोका बोकेका गठबन्धनले देशलाई कमजोर बनाउन लागेको बताए । उनले नेपाली जनताले अहिलेको गठवन्धनको स्वार्थलाई बुझेकाले मंसिर चारमा एमालेलाई मत दिएर त्यो स्वार्थको पर्दाफास गर्न आग्रह समेत गरे । सभालाई सम्बोधन गर्दै अध्यक्ष ओलिले देशलाई विकासको अभियानमा लैजान र सुखि नेपाली सम्बृद्ध नेपाल निर्माण गर्नको लागी एमालेको सरकार आवश्यक रहेकोमा जोड दिए ।
एमालेले जारी गरेको घोषणा पत्र ग्यारेन्टीका साथ हामी पुरा गर्न तयार छौ, तपाईको एकमतले देशको विकासमा टेवा पुग्ने भएकाले सिन्धुलीबाट एमालेका उम्मेदवारलाई विजयी गरेर पठाए जिल्ला र देशको विकास हुने बताए ।
सुनकोसी मरिण डाइभरर्सन, मदनभण्डारी राजमार्ग आर्थिक समृद्धिका आधारहरु निर्माण गरेको बताए । उनले मंसिर ४ गते सुर्य चिन्हमा मतदान गरी नेकपा एमालेलाई बहुमतको सरकार दिन आग्रह गरे ।
सत्ता गठवन्धन एउटा स्वार्थका पोका बोकेर हिड्ेर समुह भएकाले यो सँग अरु कुनै देश विकासको योजना नभएको बतउदै अहिले सम्म कुनै पनि गठवन्धन दलसँग विकास योजनाको खाका नभएको उनीहरुकै चरित्रबाट प्रष्ट भएको बताएदै गठबन्धनको भ्रममा नपर्न उनले नेपालीलाई आग्रह गरे ।
एमालेले जिल्लामा उठाएका प्रतिनिधिसभाका २ जनाप्रदिप कटुवाल, मनोजजंग थापा र प्रदेशसभाका सुवास देवकोटा, रामकुमार कार्की, विनोद खड्का र रामकुमार पौडेल चारै जना उमेदवारलाई मतदिएर विजयी गराउन आग्रह गर्दै एमालेले सिन्धुलीमा उमेदवार बनाएका व्यक्तिहरु देश विकासको लागी योगदान र त्याग गरेका व्यक्तिहरु भएकाले उनीहरुको योगदानको कदर गर्नको लागी पनि एमालेका उमेदवारहरुलाई मतदान गर्न आग्रह गरे ।
