सिन्धुली । नेकपा एमालेको जनवर्गिय संगठन अखिल नेपाल महिला संघ (अनेमसंघ) सिन्धुलीको पाँचौ जिल्ला सम्मेलन यहि भदौ ४ र ५ गते हुने भएको छ । संघको शनिबार सिन्धुलीमाढीमा बसेको बैठकले जिल्ला सम्मेलन गर्ने निर्णय गरेको हो । सम्मेलन सिन्धुलीमाढीमा गरिने भएको छ ।
जिल्ला अध्यक्ष पार्वती सुनुवारको अध्यक्षता एवम जिल्ला इन्चार्ज रश्मिला देवकोटाको प्रमुख आतिथ्यतामा बसेको बैठकले सम्मेलन गर्ने निर्णय गरेको हो । सम्मेलनका लागि तयारी गर्नका लागि बैठकले उपसमितिहरु समेत गठन गरेको छ ।
बैठकले सम्मेलन सम्पन्न गर्नका लागि तयारी स्वरुप पालिका स्तरीय बैठकहरु गर्ने निर्णय समेत गरेको छ । अधिवेशनमा करीव साढे चारसय प्रतिनिधिहरुको जिल्लाभरबाट सहभागिता रहने छ । नयाँ नेतृत्व परिवर्तन गर्न र संगठनलाई सुद्धिकरण र सुद्धिकरण गर्न कार्ययोजना बनाउन समेत अधिवेशन गर्न थालिएको अनेमसंघका जिल्ला अध्यक्ष पार्वती सुनुवारले बताईन ।
उनका अनुसार प्रचार प्रसार उपसमिति, आर्थिक व्यवस्थापन उपसमिति, प्राथमिक स्वास्थ्य उपचार तथा स्वास्थ्य उपचार उपसमिति, मञ्च तथा हल व्यवस्थापन उपसमिति, अतिथि व्यवस्थापन उपसमिति, प्रतिवेदन लेखन उपसमिति, खाद्य व्यवस्थापन उपसमिति, आवास व्यवस्थापन उपसमिति, जनपरिचालन उपसमिति, लगाएतका उपसमिति बनाईएको छ ।
सम्मेलनको तयारीका लागि पालिका स्तरको बैठक गर्नका लागि जिम्मेवारी समेत तोकिएको छ । साथै बैठकको मिति समेत तय गरिएको छ ।
जसका लागि कमलामाई नगरपालिकामा रमा कार्की, दुधौली नगरपालिकामा डोरकुमारी कार्की, फिक्कल गाउँपालिकामा अनिता पहाडी, मरिण गाउँपालिकामा गंगा कार्की, तिनपाटन गाउँपालिकामा पार्वती भट्टराई, सुनकोशी गाउँपालिकामा रमा शर्मा, हरिहरपुरगढी गाउँपालिकामा मञ्जु देवकोटा (ख), घ्याङलेख गाउँपालिकामा रमा कार्कीर मेनुका तिमल्सिना, गोलञ्जोर गाउँपालिकामा बिमला पाण्डे र रश्मिला देवकोटालाई जिम्मेवारी दिईएको छ ।
