सिन्धुली । नेपाल राष्ट्रिय भूतपूर्व सैनिक तथा प्रहरी संगठन सिन्धुलीले सुरक्षा क्षेत्रबाट अवकाश भएपछि राजनीतिमा आई जनप्रतिनिधि बनेका व्यक्तिहरुलाई सम्मान गरेको छ । संगठनको प्रथम अधिवेशनको उद्घाटनमा उनीहरुलाई सम्मान गरिएको हो ।
कमलामाई नगरपालिका १२ का अध्यक्ष ललित बहादुर आले मगर, कमलामाई नगरपालिका वडा नं. ६ का वडा सदस्य घनश्याम देवकोटा, सुनकोशी गाउँपालिका वडा नं. ६ बाट निर्वाचित कार्यपालिका सदस्य सम्मर माझी, कमलामाई नगरपालिका वडा नं. ८ का वडा सदस्य भिमबहादुर बोगटी, कमलामाई नगरपालिका वडा नं. २ बाट निर्वाचित वडा सदस्य तथा जिल्ला समन्वय समिति सदस्य चित्रबहादुर बुढाथोकी र गोलञ्जोर गाउँपालिका वडा नं. ७ का वडा सदस्य प्रेमसिंह राईलाई संगठनले सम्मान गरेको हो ।
संगठनका तदर्थ समितिका अध्यक्ष पदमबहादुर श्रेष्ठको अध्यक्षता, नेकपा एमालेका केन्द्रीय सदस्य तथा जिल्ला इन्चार्ज गणेश कुमार पहाडीको प्रमुख आतिथ्यतामा भएको कार्यक्रममा नेकपा एमालेका केन्द्रीय सदस्य विषमलाल अधिकारी दनुवार, केन्द्रीय सदस्य उमा कोइराला, भूतपूर्व सैनिक तथा प्रहरी संगठनका केन्द्रीय सहसंयोजक मिठाराम के.सी लगाएतका नेताहरुको उपस्थिति रहेको थियो ।
अधिवेशनले पदम बहादुर श्रेष्ठको अध्यक्षतामा ५१ सदस्यीय जिल्ला कमिटी सर्वसम्मत चयन गरेको छ । ९ वटै स्थानीय तहबाट प्रतिनिधित्व गर्दै कमिटी गठन गरिएको संगठनका बाग्मति प्रदेश उपाध्यक्ष केदार प्रसाद देवकोटाले बताए ।
कमिटीको उपाध्यक्ष रमेश कुमार दर्लामी, सचिव फडिन्द्र देवकोटा, कोषाध्यक्ष राजन कुमार कार्की, उपसचिव सुमित्रा आले र महादेव श्रेष्ठ चयन भएका छन ।
