सिन्धुली । नेपाल निजामति कर्मचारी संगठन सिन्धुलीको अध्यक्षमा पदम मगर सर्वसम्मत निर्वाचित भएका छन । उनको एकल उमेदवारी परेपछि उनी सर्वसम्मत निर्वाचित भएका हुन । संगठनको ११ औं जिल्ला अधिवेशनबाट मगरको नेतृत्वमा सर्वसम्मत नेतृत्व चयन भएको हो ।
जसको उपाध्यक्षमा प्रभुनाथ प्याकुरेल, सचिव डिल्ली सौगात घिमिरे, सहसचिव सरोज फुयाँल र कोषाध्यक्षमा नारायण अधिकारी चयन भएका छन । महिला उपाध्यक्ष भने खाली राखिएको छ ।
अधिवेशनबाट खुला सदस्यमा इन्द्र बहादुर दुलाल, हेमन्त खड्का, भीम श्रेष्ठ, सुनिल न्यौपाने, रणबहादुर कार्की र गणेश खड्का निर्वाचित भएका छन ।
यसै गरि खुला महिला सदस्यमा इन्दिरा पहाडी, अस्मिता लुंगेली, इन्द्र कुमारी देवकोटा निर्विरोध निर्वाचित भएका छन । दलित सदस्यमा युवराज परियार, जनजाती सदस्यमा लाक्पा दोर्जे तामाङ, श्रेणी विहिन सदस्यमा जित बहादुर खत्री, मधेशी सदस्यमा सुवास चन्द्र यादव निर्वाचित भए ।
यस्तै केन्द्रीय प्रतिनिधिमा पुरुषोत्तम दाहाल, दीपक काफ्ले, अशोक झा र हेम बहादुर थापा निर्वाचित भए । सिविए प्रतिनिधिमा तिलक बहादुर कार्की, सहकारी प्रतिनिधिमा रोहित कार्की चयन भएका छन ।
अधिवेशनमा उमेदवारी नपरी खाली भएका महिला उपाध्यक्ष १, खुला सदस्य १, महिला सदस्य २, महिला केन्द्रीय प्रतिनिधि १ पदमा कार्यसमितिले निर्णय गरि मनोनयन गरिने गरि अधिवेशन सकिएको छ ।
शनिबार उद्घाटन भएको अधिवेशन आइतबार विहान सम्पन्न भएको थियो ।
