सिन्धुली । विश्व पर्यटन दिवसका अवसरमा सिन्धुलीमा साईकल यात्रा गरिएको छ । रोट्याक्ट क्लबको आयोजनामा आन्तरिक पर्यटनलाई प्रवद्र्धन गर्ने उद्देश्यका साथ सिन्धुलीमाढीका विभिन्न ठाउँमा साईकल यात्रा गरिएको हो ।
कमलामाई नगरपालिका भित्रका वडा नं. ४, ५, ६ र ७ का विभिन्न ठाउँमा गरि ११ दशमलब ९ किलोमिटर साईकल यात्रा गरिएको साइकल यात्री दिपेश थापाले बताए । उनका अनुसार झण्डै २ घण्टामा उक्त यात्रा पुरा गरिएको थियो ।
लोकतान्त्रिक चोक अगाडिको पार्कबाट सुरु भएको यात्रा धुरा बजार, मिलनचोक, ढकाल गाउँ, हुदै ढुंग्रेबास दुई नम्बर गेट हुदै साईकल यात्री बिपि राजमार्ग निक्किएका थिए । उनीहरुले विपी राजमार्ग हुदै वडा नं. ७ को वडा कार्यालय र त्यहाँबाट फर्कि वडा नं. ५ को कार्यालय मधुटारमा आएर ¥याली सकेका थिए ।
साईकल ¥यालीमा कमलामाई नगरपालिकाका वडा नं. ४, ५ र ७ का वडाअध्यक्षले स्वागत गरेका थिए । ¥यालीको उद्घाटन साईकल चलाएर कमलामाई नगरपालिकाका मेयर खड्ग खत्रीले गरेका थिए ।
उक्त ¥यालीको उद्घाटन गर्दै खत्रीले कमलामाई नगरपालिकाले नगरपालिका भित्र छिट्टै साईकल लेन बनाउने प्रतिवद्धता जनाए । उनले शारीरिक कसरतका लागि छिट्टै साईकल लेन बनाईने बताएका हुन ।
