सिन्धुली । हरिहरपुरगढी गाउँपालिकाका पाँचजनाको पिसिआर रिपोर्ट नेगेटिभ आएको छ । गाउँपालिकाको क्वारेन्टाईनबाट स्वाव संकलन गरि कोरोना परिक्षणका लागि पठाईएका ५ जनाको रिपोर्ट नेगेटिभ आएको हो ।
नमुना परिक्षणका लागि प्रादेशिक प्रयोगशाला हेटौडामा पठाईएका उनीहरुको रिपोर्ट मंगलबार आएको हो । हरिहरपुरगढी गाउँपालिका र स्वास्थ्य कार्यालय सिन्धुलीको समन्वयमा स्वाव संकलन गरि परिक्षणका लागि पठाईएको थियो । सबै जना भारतबाट आई हरिहरपुरगढीको क्वारेन्टाईनमा बसेका थिए ।
यो सँगै हालसम्म सिन्धुलीमा परिक्षणका लागि पठाईएका ३ सय ११ नमुनामध्ये ३ सय २ जनाको रिपोर्ट आईसकेको स्वास्थ्य कार्यालय सिन्धुलीका प्रमुख जितेन्द्र कुमार शाहले बताए । जसमा २ सय ९९ जनाको रिपोर्ट नेगेटिभ आएको छ भने ३ जनाको रिपोर्ट पोजेटिभ आएको छ ।
पोजेटिभ रिपोर्ट आएका ३ जनाको सिन्धुली अस्पतालको आइसोलेसनमा उपचार भईरहेको छ । शाहका अनुसार परिक्षणमा पठाईएका मध्ये ९ जनाको रिपोर्ट आउन बाँकी रहेको छ ।
